IP: 176.*.*.* Saudi Arabia

என்ன செய்ய? பார்க்கும் போது மனதுக்கு சங்கடமாகத்தான் உள்ளது. சல்லித்திரடு, மொட்டயன் தோட்டம் போன்றவைகள் பழமை வாய்ந்த இடங்கள் தான். அன்றைய காலத்தில் ரெட் ஸ்டார் சங்கத்திற்கு இடப்புறமாக ஓர் சிறிய பாதை இருந்ததாம் அது ஓடக்கரை வழியாக திருச்செந்தூருக்கு செல்லும் மாட்டு வண்டிப் பாதை. காலப்போக்கில் புதிய பாதையை மக்கள் வெகுவாக பயன்படுத்தி பழைய பாதை நூர்ந்துபோயிற்று. மேலும் தண்ணீர் புகுந்துள்ள இடம் புறம்போக்கு அதில் சிறுகச் சிறுக குடியிருப்புக்கள் முளைத்து இன்று நகராகவும்,சிற்றூரகவும் மாறி வருகின்றது. அங்குள்ள புறம்போக்கு நிலத்தை அவர்கள் அனுபவித்துக் கொள்ளலாமே தவிர விலைக்கு விற்க முடியாது எனும் ஓர் சட்ட விதியும் உள்ளது.

அநேகமாக இங்கு குடிசைகள்தான் உள்ளது. பல ஊர்களிலிருந்தும் பிழைப்பு தேடி வந்தவர்கள் தான் அதிகம். இபோது நமதூரைச் சுற்றி மூன்று பகுதிகளிலும் திடீர் நகர்கள் முளைத்த வண்ணம் இருக்கின்றன. பெரும்பாலும் அவைகள் முறையாக கிரையத்திற்கு வாங்கியதாகவோ? அல்லது இலவச பட்டா போட்ட நிலமாகவோ இருப்பதில்லை. மனிதாபிமான அடிப்படையில் அவர்களுக்கு சிலர் உதவி செய்ய முன் வந்தாலும் பிற்காலத்தில் அது வில்லங்கமாக மாறி தம் சொந்த நிலத்தையே இழக்க நேரிடும் என்பதற்காகத்தான் நில உரிமையாளர்கள் வாய்க்கால் வெட்ட தடுத்து வருகின்றனர். நமதூரை மட்டுமே நம்பி சுற்று வட்டாரத்தில் ஏராளமான குக்கிராமங்கள் வாழ்ந்து வருகின்றன. அதன் வாழ்வாதாரத்திற்கு நமதூர் துணை நிற்பது என்பது மறுக்க முடியாத உண்மையே...!