IP: 117.*.*.* India

தெரு விளக்கு எரியவில்லை என்ற என் செய்திக்கு விளக்கம் சொன்னவர்களுக்கு நன்றி. ஆனால் எங்கள் வார்டு உறுப்பினரோ தலைவியோ எலக்ரிக் ஆபீசில் போய் கம்ப்ளைன்ட் பண்ணுங்கள் என்று பதில் சொல்லவில்லை. அது தங்களுடைய பொறுப்பு என்றுதான் அவர்கள் சொல்கிறார்கள். நகரமன்ற தலைவி ஆணை இடாமல் மின் வாரியம் அதை தொடமாட்டார்கள் என்பதுதான் அதற்கு அர்த்தம். என்றாலும் நண்பர் ஹுசைன் நூர்தீன் அவர்களின் கருத்தை கவனத்தில் கொண்டு இன்று எலக்ட்ரிக் ஆபீசுக்கு போய் கம்ப்ளைன்ட் கொடுக்கிறேன்.

இணைய தளத்தில் நமது ஆதங்கங்களை பதிவு செய்வதால்தான் ஊரில் நடக்கும் செய்திகள் குறை குற்றங்கள் நன்மை தீமைகள் பற்றிய செய்தியை அறிய முடிகிறது. 4 இணைய தளங்கள் நம்மூர் செய்திகளை வெளியிட்டு, விமர்சனகளையும் அவ்வப்போது தெரிவித்து விழிப்புணர்வை ஏற்படுத்துகிறார்கள். துரதிர்ஷ்ட வசமாக நம்மிடையே ஒரு கேஜ்ரிவால், அண்ணா ஹஜாரே சுப்ரமணிய சாமி போன்றவர்கள் இல்லை. அப்படி யாரும் இருந்தால் இன்னும் இணைய தளங்கள் சுறுசுறுப்பாக இயங்கும். நகர்மன்றம் சுறுசுறுப்பாக வேலை செய்யும்.

எனவே இந்த இணைய தளங்களில் ஊர் நடப்பு பற்றி அவரவர்கள் குறைகள் பற்றி விமர்சனங்கள் பதிவு செய்வதில் தவறு இருப்பதாக என் சிறிய அறிவுக்கு தெரியவில்லை. அடிக்க அடிக்க அம்மியும் நகரும்...அழுத பிள்ளை பால் குடிக்கும்.