IP: 188.*.*.* Saudi Arabia

நான் 9வது,10வது வகுப்பு படித்த போது எங்களுக்கு தமிழ் மற்றும் வரலாறு புவியியல் பாடம் நடத்திய திட்டுவிளை சிங்கம்,அருமை ஆசான் பெரும் மதிப்பிற்குரிய ஹாஜா முஹையித்தீன் அவர்கள் பணி ஓய்வு பெற்றிருப்பது காலம் இவ்வளவு வேகத்தில் சுழலுகின்றதா என வியப்பாக உள்ளது. என் தமிழ் பற்றுக்கும், ஆர்வத்திற்கும் வித்திட்டு விதைத்த பெருமை அவருக்கேச் சேரும்.

அன்று அவர் நடத்திய “சிதைவுகள்”பாடம், படிவுப்பாறை,உருமாறிய பாறை, தேன்கூட்டுப்பாறை, மியாண்டர்கள், குதிரைக்குழம்பு ஏரிகள், அப்பாப்பா...இருபத்தி எட்டு ஆண்டுகள் உருண்டோடிய பின்னரும் எம் மனதில் தினைகளாகவும், தேமா,புளிமா, சிலேடை, வினையெச்சம்,வினை முற்றாக இருந்து கொடை வினாக்களையும்,கொளல் வினாக்களையும் எழுப்பிக் கொண்டிருக்கின்றன.

அவரது உழைப்பு, கனிவு, கண்டிப்பு, ஆகியவற்றை முழுமையாக உணர்ந்தவன் நான். இரவுப் பாட வேளைகளில் கண் விழித்துப் படிப்பதும் அதிகாலை சுபுஹுக்குப் பின் பரீட்சை வைத்துப் பார்ப்பதும் பின்னர் வீட்டுக்குப் போய் குளித்து விட்டு ஸ்கூலுக்கே திரும்ப வருவதும் அது ஒரு பட்டாளத்தின் பயிற்சிக் காலமாகவே தோன்றியது.பத்து மற்றும் பன்னிரெண்டாம் வகுப்பு மாணவர்களுக்காக அவர் பட்ட பாடு கொஞ்சம் நஞ்சமில்லை.

அன்புக்குரிய ஆசானே பணியிலிருந்து தான் நீவீர் ஓய்வு கொண்டுள்ளீர். எம் மனதிலிருந்து அல்ல! உமக்கு என்றும் பதினாறு என வாழும் வரம் பெற்ற வாலிபர் நீங்கள்! ஓய்வு உமக்கில்லை! அது உம்மைக் கண்டால் ஓடி ஒளிந்து கொள்ளும்! வாழ்க பல்லாண்டு வளமோடும், நலமோடும் வாழ்த்த வயதில்லை! பிரார்த்திக்கின்றேன் வல்லோனிடம்...வாழ்க!

பொறுப்பேற்றிருக்கும் பெருந்தகை ஆசிரியர் ஷாஹுல் ஹமீது அவர்கள் பணி சிறக்க வாழ்த்துக்கள்...! -ராபியா மணாளன். என்றும் உங்கள் மாணவன்,

M.N.L.முஹம்மது ரபீக்.
செண்ட்ரல் மேல்நிலைப்பள்ளியின் முன்னால் மாணவன்.
புனித மக்கா.