IP: 117.*.*.* India

சகோதரர் துபாய் ஜைனுல் ஆபிதீன் அவர்கள் சில நடைமுறை உண்மைகளை இங்கு பதிவு செய்திருக்கிறார். மறுப்பதற்கில்லை..

ஆனால் இதுபோல் எத்தனையோ அடுக்கி கொண்டே போக முடியும். சினிமா தியேட்டார் இல்லை என்றால் வீட்டுக்கு வீடு டிவி இல்லையா, குறுந்தகடுகளை வைத்து சினிமா பார்க்கவில்லையா, சாராயக்கடை இல்லை என்றால் நமதூரில் சாராயம் குடித்து விட்டு அலைபவர்கள் இல்லையா, காவல் நிலையம் இல்லை என்றால் நம்மூரில் குற்றங்களே நடக்கவில்லையா, போலீஸ் அடிக்கடி வந்து ஆங்காங்கே நடக்கும் சண்டைகளை பதிவு செய்யவில்லையா, பலரை கைது செய்ய வில்லையா

இப்படியே கேட்டுக்கொண்டே போனால் துப்பாக்கி நீட்டி காயல்பட்டணம் படம் எடுப்பவனுக்கு சாமரம் வீசி வரவேற்பது போல் ஆகி விடும். அவனது துப்பாக்கிக்கு நாமே தோட்டா ரவை வாங்கி கொடுத்தது போல் ஆகி விடும். நமக்குள் ஆயிரம் இருக்கும் அதற்காக இன்னொருவன் உள்ளே வந்து நமதூரில் திரைப்படம் எடுக்க நாம் அனுமதிக்க முடியுமா. எனது வீட்டிலும் உங்கள் வீட்டிலும் ஆயிரம் பிரச்சினைகள் இருக்கும் மனத்தாங்கல்கள் இருக்கும் அதற்காக வெளியே இருந்து வருபவன் நம்மை பார்த்து ஏளனம் செய்து பேச நாம் இடம் கொடுப்போமா... நீங்கள் படித்தவர்கள் பண்புள்ளவர்கள். நாலும் தெரிந்தவர்கள்..

"ஆயிரம் உண்டிங்கு ஜாதி எனில் அன்னியர் வந்து புகல் என்ன நீதி" என்று சுதந்திர போராட்டத்தில் வெள்ளையனை எதிர்த்து போராடிய தேச விடுதலை வீரர்கள் சொல்வார்கள்.

எனவே யாரும் காயல்பட்டணம் திரைப்படம் எடுக்க வருபவர்களுக்கு சார்பான விஷயத்தை எழுதாமல், நமது ஊர் கண்ணியத்தை காப்பாற்ற ஒரு அணியில் திரண்டு நிற்கவேண்டும். கருத்து பதிவுகளை கொஞ்சம் DIPLOMACY யுடன், விவேகத்துடனும் பதிவு செய்யுமாறு நண்பர்களை கரம் பிடித்து வேண்டிக் கொள்கிறேன்.