IP: 205.*.*.* United States

கடற்கரை தொடர்பான சில செய்திகளில் இடம்பெற்றிருந்த கருத்துக்களை (விமர்சனங்களை?) படித்ததில், ஒரு தன்னார்வ சமூக அமைப்பிடம் மக்கள் 'அளவுக்கு அதிகமாக' எதிர்பார்க்கிறார்கள் என்ற உணர்வு ஏற்படுகின்றது. இதனால்தான் என்னவோ... நம்மில் பலர் 'சோசியல் சர்வீஸ்' என்றாலே பத்தடி தள்ளி... நமக்கேன் இந்த வம்பு, தேவையில்லாத வேலையென்று ஒதுங்கி நிற்கின்றார்கள்.

பரப்பரப்பான இக்காலசூழலில் மனிதன் தன்னுடைய ஒவ்வொரு நிமிடத்தையும், ஒன்று காசாக்க நினைக்கின்றான் அல்லது தான் - தனது குடும்பம், டிவி / கிரிக்கெட் (பொழுதுபோக்கு) என்று செலவழிப்பதிலேயே அக்கறை செலுத்துகின்றான்.

ஊர்நலனில் அக்கறை கொண்ட இவர்களை போன்ற சகோதரர்கள் (எந்த அமைப்புகளை சார்ந்தவர்களாக இருந்தாலும் சரி) தங்களுடைய பொன்னான நேரத்தை ஊர்நலனுக்காக சிந்திப்பதும், அதற்காக நேரத்தை "களப்பணியில்" செலவழிப்பதே மிகப்பெரிய விஷயம்.

களப்பணியில் இறங்கி நம்மால் செய்ய முடியாத ஒன்றை (நல்லதை), நமக்காக நாளைய நமது வருங்கால தலைமுறையினருக்காக உழைக்கும் இவர்களை போன்றவர்களை / சமூக அமைப்புகளை, குறைந்த பட்சம் ஆதரிப்போம்... பாராட்டுவோம்... அவர்களை ஊக்குவித்து ஆக்கப்பூர்வமான ஆலோசனைகளை தேவையான பொருளாதார உதவிகளை வழங்கிடுவோம் !