IP: 117.*.*.* India

செய்தித் துறையில் எல்.கே.ஜி. நிலையிலுள்ள எனக்கு நல்ல பல ஆலோசனைகள் வழங்கி வழிகாட்டி வருவோர் தினத்தந்தி செய்தியாளர் அண்ணன் பாஸ்கரன் அவர்களும், தினமணி செய்தியாளர் அண்ணன் வசந்தகுமார் அவர்களும்...

நகரில் எந்தத் தரப்பு செய்தியானாலும் உடனுக்குடன் வந்து செய்தி சேகரித்து, பாரபட்சமின்றி வெளியிடுவதில் இவ்விரு மூத்தவர்களும், தினகரன் செய்தியாளர் நண்பர் சுந்தர் அவர்களும், தினமலர் செய்தியாளர் நண்பர் இளையபெருமாள், நண்பர் கண்ணன் ஆகியோரும் எப்போதுமே ஆர்வத்துடன் செயல்படுபவர்கள்.

உணர்வுப்பூர்வமாகவும், உற்சாகத்தோடும் துள்ளித்திரிந்த பாஸ்கர் அண்ணன் அவர்கள், தன் மனைவியாரின் உடல்நலக் குறைவு காரணமாக பெரிதும் துவண்டுபோய்விட்டார்கள் என்றால் அது மிகையாகாது. தனது செய்திப்பணியே பாதிக்கப்படும் அளவுக்கு அந்த சோதனை அவரை சில வருடங்களாகவே ஆட்கொண்டது.

தனக்கு இருதய அறுவை சிகிச்சை, இருசக்கர வாகனத்தில் சென்றபோது - மழை நீர் சகதியில் சறுக்கி விழுந்ததில் ஏற்பட்ட விபத்துக் காயங்கள் என இந்த சோதனைகளையெல்லாம் தாண்டி, தன் மனைவியின் உடல் நலக்குறைவு அவரை பெரிதும் பாதித்துவிட்டது என்றே சொல்ல வேண்டும்.

கடவுள் சித்தம் அனைத்தும் நன்மைக்காகவே இருக்கும். அண்ணன் பாஸ்கரனாரும், அவரது ஒரே மகளார் சகோதரி கரோலின் அவர்களும், அக்குடும்பத்தின் இதர உறுப்பினர்களும் பொறுமையாக இருக்குமாறு அன்புடன் வேண்டுகிறேன்.

வல்ல இறைவன் உங்கள் யாவருக்கும் மன ஆறுதலைத் தந்தருள்வாராக...