IP: 205.*.*.* United States

பெரியவர்களின் வழிநடத்தலில் உற்சாகத்துடன் நம் சகோதரர்கள் களப் பணியாற்றுவதை காணும் போது... காயலுக்கான விடியல் மிக அருகாமையில் உள்ளது போன்ற உணர்வு ஏற்படுகின்றது. இவர்களின் இம்முயற்சி... காலம் காலமாக எவ்வித சலனமுமின்றி உறங்கி கொண்டிருக்கும் நமது மக்களின் மனதில் நாசக்கார DCW என்ற அரக்கனை எதிர்த்து போராட வேண்டும் என்ற வேட்கையை ஆழமாக பதித்து வருவதை உணர முடிகின்றது.

மேலும், பம்பரமாய் சுழலும் KEPA வின் களப்பணி புகைப்படங்களை பார்க்கும் போது இப்போரட்ட களம்... வயதில் பெரிய மற்றும் இளைய தலைமுறை புதிய சமூக ஆர்வலர்களை வெளிக்கொணர்ந்துள்ளது என்றால் அது மிகையாகாது. பொதுவாக, அனைத்து அமைப்பிலும் குறிப்பிட்ட ஒரு சில சமூக பற்றுள்ள சகோதரர்களே அங்கம் வகிக்கின்றனர் என்ற கூற்று பொய்பிக்கப்பட்டு பல்கிப்பெருகி வரும் இச்சமூக ஆர்வலர்கள்தான்... வளமான காயலின் பலமான நம்பிக்கை தூண்கள் !!

எந்த ஒரு போராட்டமும் மக்களின் எழுச்சி மற்றும் ஆதரவுடன்தான் கூர்மையையும் வெற்றியையும் அடையும் என்பதனை பொதுமக்களாகிய நாம் அனைவரும் உணர்ந்து... காயல் வரலாற்றில் NOV 29th - ஐ ஒரு மறக்க முடியாத நாளாக மாற்றுவோம். ஊர் நன்மைக்காக நம்முடைய அனைத்து மனக்கசப்பு & கருத்து வேறுபாடுகளையும் புறந்தள்ளி விட்டு சகோதரத்துவத்துடன் ஓரணியில் ஒன்று திரள்வோம். வெடித்தது மக்கள் புரட்சி; மிரண்டது DCW என்று நாளைய வரலாறு எழுதட்டும் !!

உள்ளங்கை நெல்லிக்கனி போல பாமரர்களும் உணர்ந்துள்ளது போல, தேவையான காரணக் குறிக்கோளுடன் ஏற்கனவே உள்ள அல்லது புதியதாய் தோன்றும் நல்லதொரு சமூக அமைப்புகளால் நம் சமுதாயம் அடைந்து வரும் நன்மைகளை... நாளைய வரலாற்று சுவடுகள் பொன்னெழுத்துக்களால் பொறியட்டும் !!

ஒவ்வொரு நிமிடத்தையும் காசாக்க அல்லது வெட்டியாக கழிக்க நினைக்கும் இப்பூலோகத்தில்... நாளைய விடியலுக்காக தங்களுடைய சுய வேலைகளையெல்லாம் புறந்தள்ளி விட்டு தேனீக்களாய் சுறுசுறுப்புடன் களப்பணியாற்றும் அனைத்து சகோதர்களுக்கும் வல்ல இறைவன் அருள் புரிவானாக !!