IP: 117.*.*.* India

கடந்த 2012 நம்மை விட்டு விடைபெற்றுக்கொண்ட நிலையில் இன்று 2013 அதிகாலை கிடைத்துள்ள செய்தி இனிக்கிறது. குப்பை கொட்டும் விஷயம் என்றாலும் நாம் அன்றாடம் குப்பை அகற்றப்படாவிட்டால் நமக்கு ஏற்படும் மன உளைச்சல்களையும் பெண்களின் மன சங்கடங்களையும் உணர்கிறோம்.

5 ஏக்கர் நிலம் என்பது முன்னாள் நகர தந்தைக்கு அவ்வளவு பெரிய விஷயம் இல்லை என்றாலும் அரசு நிர்ணயித்த விலைக்கு அதை தருவது என்பது சாதாரண விஷயமல்ல. ஊர் நலன் கருதி அவர்கள் செய்துள்ள இந்த சேவையை அல்லாஹ் பொருந்திக் கொள்வானாக. இதற்காக முயற்சி செய்த ஐக்கிய பேரவை தலைவர்களுக்கும் உறுப்பினர்களுக்கும் அல்லாஹ் ரஹ்மத் செய்வானாக. தொடர்ந்து இங்கே ஆலை அமைப்பது சம்பந்தமான ஆய்வுகளும் செய்து அதன் பக்க விளைவுகள் மக்களுக்கு ஏற்படாமல் இருக்க குழு ஒன்றையும் நியமித்து உள்ளதும் பாராட்டுக்குரியது. இந்த நிலை தொடரவேண்டும் என்று ஊர் நலனில் அக்கறை உள்ளவர்கள் எல்லோரும் ஆசைப்படுகிறார்கள்.

கடந்த வருடம், நம்மிடையே எவ்வளவோ தாக்கங்களை தர்க்கங்களை மன வருத்தங்களை ஏற்படுத்தி நம்மிடையே இருந்து விடைபெற்று சென்று விட்டது. "ஒவ்வொரு நாளும் புதிதாய் பிறப்போம்" என்ற வைர வரிகளுடன் இந்த புத்தாண்டை வரவேற்று நல்லவைகளை முன்னெடுத்து செய்யும் எல்லோருக்கும் நாம் பக்க பலமாக இருப்போம்.

அல்லாஹ் இந்த ஊரை செழிப்பு நிறைந்ததாகவும் உள்ளங்களில் உள்ள மாசும் சுற்று சூழல் மாசும் அகன்ற சுகாதாரமான ஊராக ஆக்கி வைப்பானாக. ஆமீன்.