IP: 92.*.*.* United Arab Emirates

நகரில் குப்பைகளை எரியூட்டுவதர்க்காக தனது சொந்த நிலத்தை தானமாக கொடுத்து உதவிய வள்ளல் வாவு செய்து அப்துல் ரஹ்மான் ஹாஜி அவர்களுக்கு எவ்வளவு நன்றியை காணிக்கையாக்கினாலும் அவர்களின் தியாகத்திற்கு ஈடாகாது. அவர்களுக்கும் மற்றும் இதில் ஈடுபட்ட எல்லா நல் உள்ளங்களுக்கும் ஒட்டுமொத்த காயலர்களின் சார்பில் நன்றியை உரித்தாக்குவோம்.

அதேவேளையில், இந்த பதிவை வாசித்துக்கொண்டிருக்கும் போது என் மனதை நெருடிய சில சந்தேகங்களை நகராட்சி மன்றத்திற்கும் ஐக்கிய பேரவைக்கும் முன்னிலை படுத்துகிறேன்.

மக்கள் மன்றத்தால் தேர்ந்தெடுக்கப்பட்ட தலைவி நகராட்சி மன்றத்தில் இருக்கும் போது , ஏன் துணைத்தலைவரும் ஏனைய உறுப்பினர்களும் கையெழுத்திட்டு ஐக்கிய பேரவைக்கு வேண்டுகோள் கடிதம் அனுப்ப வேண்டும் ?

ஒரு வேளை தலைவி அவர்கள் பணி நிமித்தம் வெளியூரில் இருந்தால், அவர்கள் ஊர் திரும்பும் வரை பொறுத்திருக்க முடியாத அளவிற்கு இந்த விஷயம் ஒன்றும் அவ்வளவு அவசரமும் இல்லை.

இப்படி இருக்க, இந்த வேண்டுகோளை பரிசீலித்த ஐக்கிய பேரவை கூட ஏன் மன்ற தலைவி உடைய ஒப்புதல் இதில் இல்லை என்று விசாரித்திருக்கலாமே ?

இப்படி கேட்பதால் நான் அவர்கள் செய்த தர்மத்தை கொச்சை படுத்துவதாக யாரும் தவறாக என்ன வேண்டாம். எல்லாம் வல்ல அல்லாஹ் அவர்களின் தர்மத்தை அங்கீகரித்து அதற்க்குண்டான பலனை அனைவருக்கும் அள்ளிக்கொடுப்பானாக ஆமீன்.

எனக்கென்னவோ முதலில் நாம் நம் மனதில் உள்ள குப்பைகளை அகற்ற வேண்டும் போல்தான் இருக்கு.

இதற்க்கு யாரிடம் இருந்தாவது விளக்கம் கிடைக்குமா?

அன்புடன்
சாளை ஷேக் ஸலீம்
அமீரகம்