IP: 117.*.*.* India

அஸ்ஸலாமு அலைக்கும் (வரஹ்).

நகராட்சியின் இந்த அறிவிப்பு என்னவோ நல்லதாக தெரிகிறது – ஆனால் செயலில் செய்து காட்ட வேண்டும் – அறிவித்ததோடு நின்றுவிடக்கூடாது.

மேலும் இப்போது சில தெருக்களுக்கு புதிதாக (சாலைகளை) ரோடு போடுகிறார்கள், இந்த புதிய ரோடுகள் போட்டு முடிந்தவுடனே அதை மீண்டும் தோண்டி இரண்டாவது பைப் லைனுக்கான வேலைகள் நடைபெறும், இப்படி வீணாக செலவும், சிறமமும் ஏற்படுவதை தவிர்க்க மாற்று ஏற்பாடுகளை செய்துக்கொள்வது நல்லது

----------------------------------------------------

“ நகராட்சிக்குட்பட்ட அனைத்து தெருக்களிலும் ஏற்கனவே பழுதடைந்த நிலையில் உள்ள பகிர்மான குழாய்கள் மாற்றப்பட்டு, புதிய பகிர்மான குழாய் D.I.Pipe மூலம் மாற்றியமைக்கப்படவுள்ளது “ என்று ஆணையர் அவர்கள் அறிவித்திருக்கிறார்கள்.

பழுதடைந்த குழாய்கள் மட்டும் என்றில்லாமல் , பழைய குழாய்கள் எல்லாவற்றையும் மாற்றுவதுதான் நல்லது. ஏனெனில் மற்றக் குழாய்கள் எப்படியும் இன்னும் இரண்டு, மூன்று வருடங்களில் பழுதடையத்தான் செய்யும் – அதுமட்டுமல்ல பழையக்குழாய்கள் எல்லாம் தரம் குறைந்தவையாகவே உள்ளது.

ஆகையால் அத்தனை பழையக் குழாய்களையும் மாற்றுவதற்குண்டான ஏற்பாடுகளை நகர்மன்ற நிர்வாகத்தினர் செய்வது மக்களுக்கும் நகர்மன்றத்திற்கும் பல வகையிலும் நன்மையை தரும்

--------------------------------------------------

மேலும், இத்திட்டத்தில் வீடுகளுக்கு வழங்கப்பட்டுள்ள குடிநீர் இணைப்புகளுக்கான பழைய இரும்பு குழாய்கள் அகற்றப்பட்டு, புதிதாக இணைப்புகள் அனைத்தும் துருப்பிடிக்காத எம்.டி.பி.இ. (MDPE) குழாய்களைப் பயன்படுத்தி, நகராட்சியின் மூலம் மீண்டும் இணைப்பு வழங்கப்படவுள்ளது – என்றும் ஆணையர் அவர்கள் அறிவித்திருக்கிறார்கள்.

கண்டிப்பாக, துருப்பிடிக்காத குழாய்களாக அத்தனையையும் மாற்ற வேண்டும் என்பதில் யாருக்கும் மாற்றுக் கருத்து இல்லை.

ஆனால் அந்த குழாய்களை மாற்றி மீண்டும் இணைப்புக் கொடுக்கும்போது அவர்களெல்லாம் முறையான அனுமதி பெற்றவர்கள்தானா என்பதை உறுதிப்படுத்த நகர்மன்ற உறுப்பினர்கள் அடங்கிய ஒரு குழுவை நகர்மன்ற நிர்வாகம் ஏற்படுத்த வேண்டும் – அப்போதுதான் முறையற்ற இணைப்புகள் தொடர்ந்து கொடுக்கப்படாமல் தடுக்க / தவிர்க்க இயலும்.

அப்படி ஒரு முறையான குழுவை அமைத்து செயல்படவில்லை என்றால் இன்று மக்களால் சொல்லப்படுகிற / நம்பப்படுகிற அனுமதி பெறாத இணைப்புகள் 4000 என்பது 8000 இணைப்புகளாக மாறினாலும் ஆச்சரியப்படுவதற்கு இல்லை

----------------------------------------------

தெருக்களில் உள்ள பகிர்மான குழாய்களும், வீடுகளுக்கு கொடுக்கப்படும் இணைப்புகளும் பூமியின் மேல் மட்டத்திலிருந்து ஓர் அடி அல்லது ஒன்றரை அடி ஆழத்தில்தான் புதைக்கப்பட்டிருக்கிறது – அதனால் அடிக்கடி குழாய்கள் உடைந்து தண்ணீர் வீணாகிறது.

நான்கு அடி ஆழம் அல்லது குறைந்தது மூன்றடி ஆழத்திலாவது குழாய்களை புதைக்க வேண்டும். மேலும் குழாய்களின் கனமும் கூடுதலாக இருக்க வேண்டும் – இப்போதுள்ள குழாய்கள் மிகவும் மெல்லியதாக இருப்பதாலும் அடிக்கடி உடைந்து தண்ணீர் வீணாகிறது.

எனவே இது விசயத்திலும் நகர்மன்ற நிர்வாகம் கவனம் செலுத்தி புதிய திட்டத்தை உபயோகம் உள்ளதாக செயல்ப்படுத்த வேண்டும்

----------------------------------------------

என்னுடைய கணிப்பு நமது நகராட்சிக்கு மக்கள் செலுத்த வேண்டிய குடிநீர் கட்டணம் பாக்கி ஏறக்குறைய 30,00,000 (முப்பது இலட்சம்) ரூபாய்கள் இருக்கும்.

ஆயிரம் இணைப்புகளுக்கு மேல் இரண்டு வருடமாக குடிநீர் கட்டணம் செலுத்தாமல் இருக்கிறார்கள் என்பது தகவல்.

மக்கள் மனசாட்சியுடன் நடந்து கொண்டால் இவ்வளவு தொகை பாக்கி வராது – எனவே மக்கள் மனசாட்சியை அடகு வைக்காமல் விரைவாக குடிநீர் பாக்கியை கட்டி, தாங்கள் பருகும் நீரை தூய்மையாக்கிக்கொள்ளுங்கள்

-------------------------------------------------

நகராட்சி நிர்வாகமும் அறிவித்த தேதிக்குள் பணம் கட்டாதவர்கள் மீது பாரபட்சமின்றி நடவடிக்கை எடுக்க வேண்டும்.

நகராட்சி நிர்வாகம் முறையான நடவடிக்கை எடுக்குமா ? என்பதை மக்கள் பொறுத்திருந்து பார்ப்போம்.

வஸ்ஸலாம்.