IP: 117.*.*.* India

ரிசானா எனும் பெண் தவறு செய்தாளா? அல்லது சவுதி நீதித்துறை தவறான தீர்ப்பை வழங்கியதா? என்பது பற்றி நாம் விவாதிப்பது அபத்தம். ஊடகங்கள் பல நிகழ்வுகளை பலவாறு விவரிப்பது வாடிக்கையாகிப் போயிற்று.

கருத்து எழுதிய ஒரு சகோதரரின் கூற்றுப்படி சுமார் மூன்றரை மில்லியன் சவூதி ரியால் இழப்பீடாக தருவதாக முன் வந்தும் அதுவும் ஒரு அமீர் முன் வந்தும் இங்கிலாந்து இளவரசர், இலங்கையின் ஜனாதிபதி, இன்னும் பல உலக தலைவர்கள் கருணை மனுக்கள் அளித்தும் செவிசாய்க்காத ஏற்றுக்கொள்ளாத அந்த தாய் தந்தையர் ஏன் இப்படி பிடிவாதம் பிடிக்க வேண்டும். மன்னிப்பதும் மறுப்பதும் அவர் தன் உரிமை. ஒரு வேளை அவர்கள் மன்னித்திருந்தால் இன்று ரினாசா விடுதலை செய்யப்பட்டிருப்பாள்.

பாதிக்கப்பட்டவர்தான் கருணை மனுவை ஏற்க முடியும். மன்னிப்பு அளிக்க முடியும். இதுதான் அங்குள்ள சட்டம். அது இல்லாமல் எந்த வித பாதிப்புக்குள்ளாகத ஜனாதிபதியோ? தலைமை பொறுப்பிலுள்ளவர்களோ கருணை மனுவை ஏற்று மன்னிப்பது என்பது எந்த விதத்தில் நியாயம்?

சவூதியைப் பொறுத்த வரை சாலை விபத்தில் பலியானவருக்கு பலிக்குப் பலி என்று சிரச்சேதம் செய்வதில்லை. குற்றத்தின் ஆழம் மற்றும் அதன் பின்னணியை ஆராய்ந்தே தண்டனைகள் வழங்கப்பட்டு வருகின்றன என்பதுவே உண்மை!

இக்காமா இல்லாமல் வெளியே செல்வது சட்டப்படி குற்றம். இதைக் கடை பிடிக்காமல் மாட்டிக் கொண்டு அப்பாடா.. ஒப்பாடா எனக் குறை கூறுவதில் அர்த்தமில்லை. சிறை என்றால் அங்கு மாமியார் வீடு இல்லை என்பதை புரிந்து கொள்வோருக்கு பிரச்சனைகள் ஏதும் வருவதில்லை! வந்ததுமில்லை!

-ராபியா மணாளன்.