IP: 71.*.*.* United States

(மரணித்து விட்ட ரிசானாவை ) கொடுக்க முடியுமா உங்களால் வாசகர்களே…? என்று கட்டுரையாளர் கேட்பதிலிருந்தே அவர் எந்தளவுக்கு மனம் கசிந்து இதனை வடித்திருக்கிறார் என்பதனை உணர முடிகின்றது. வல்ல ரஹ்மான் சகோதரி ரிசானாவின் பிழைகளை பொருத்து என்றும் நிலையான சுவனபதியை மறுமையில் வழங்கிடுவானாக !

ஏற்கனவே இது சம்பந்தமாக பல ஆக்கங்களை படித்ததில், பெரும்பாலானவைகள் நாணயத்தின் ஒரு பக்கத்தை விலாவரியாக தந்தாலும் மறுபக்கத்தை சந்தேகங்களின் அடிப்படையில் சவூதியின் நீதித்துறை ஒருதலைபட்சமாக தீர்ப்பை வழங்கி விட்டதென்று உறுதியாக பதிவு செய்தனர்.

கடுமையான சிறைத்தண்டனைகள், அந்நாட்டின் ஆட்சியாளர்கள் - மக்கள் (குணநலன்கள்) மீதுள்ள அபிப்பிராயங்கள் நம் சுய விருப்பு வெறுப்புகள், அந்நாட்டின் கடந்த கால பொருளாதார (எண்ணெய் வளமற்ற) சூழ்நிலைகளை இவ்விடயத்துடன் பிண்ணி பிணைவது ஒரு நடுநிலையான நிலைபாட்டுக்கு அளவுகோல்கள் அல்ல.

சகோதரி தவறிழைத்திருக்க மாட்டாள் என்று உறுதியாக நம்பும் அதே வேளையில் வெறும் சந்தேகத்தின் அடிப்படையில் ஒரு நாட்டின் (சவூதியின்) நீதித்துறை தவறிழைத்து விட்டதென்று எண்ண முடியவில்லை. ஒட்டுமொத்த உலகமே இவ்விடயத்தை உன்னிப்பாக கவனிக்கின்றனர் என்பதனை சவூதி ஆட்சியாளர்களும் மிக நன்கறிவர்.

சகோதரியின் மரணத்திற்க்கு பின்னர், சவுதியின் நீதித்துறையை (தீர்ப்பை) நோக்கி இன்று கேட்கும் அனைத்து கேள்விகளையும் மரண தீர்ப்பை மாற்றி எழுதுவதற்க்கு எந்தளவுக்கு உண்மையாக வலிமையாக ஓங்கி ஒலிக்கப்பட்டதென்று தெரியவில்லை. எது எப்படியோ எல்லாம் இறைவனின் நாட்டபடியே நடந்து முடிந்துவிட்டது.

ஒரு சிலரின் கருத்துக்கள் ஆக்கங்கள் (பிற ஊடகங்களில்) அல்லாஹ்வின் சட்டத்தை (ஷரியாவை) நேரடியாக அல்லது மறைமுகமாக & ஒரு நாட்டின் நீதித்துறையை விமர்சிப்பதற்க்கு (நம்மவர்கள் உட்பட பலருக்கு) வழிவகுத்துவிட்டன. இதுபோன்ற சம்பவங்கள் மூலம் நல்லதொரு படிப்பினைகளை இறைவன் தருவதோடு ஒட்டுமொத்த சமுதாயத்தினரின் நிலைபாட்டை மன உறுதியை இறைவன் சோதிக்கின்றான் என்பதனை உணர முடிகின்றது.

9/11 தாக்குதல் துயர சம்பவத்திற்க்கு பின்னர், அமெரிக்காவில் குறிப்பிட்ட சதவிகித (முஸ்லிம்) மக்கள் தங்களின் முந்தைய நிலைபாட்டை மாற்றிக்கொண்டனர். அதாவது பள்ளிக்கு தொழ வருவதையும், இஸ்லாமியன் என்ற அடையாளத்தையும் (பெயரில் / உடையில்)...

அவ்வளவு ஏன், தான் ஒரு முஸ்லிம் என்று பக்கத்துக்கு வீட்டுகாரருக்கு தெரிந்து விடக்கூடாதென்று என்பதில் கண்ணும் கருத்துமாக இருந்தனர். இன்னும் ஒரு சிலரோ தானும் மாறி தனது அமானிதங்களையும் (மக்களையும்) ஒரு தவறான நிலைபாட்டிற்கே இழுத்து சென்றுவிட்டனர்.

இதுபோன்ற சோதனையான தருணங்களில் பொறுமையும் நிதானமும்தான் ஒட்டு மொத்த நம் சமுதாயத்தினருக்கு மிக முக்கியம். அல்லாஹ் நம் அனைவரையும் பாதுகாப்பானாக!!!!