IP: 117.*.*.* India

ரிசானாவின் விவகாரம் குறித்து இங்கு வாசகர்களின் அனல் பறக்கும் வாதப்பிரதி வாதங்களில் இரண்டு வகையான மனப்போக்குகள் ஊடாடுவதை என்னால் அவதானிக்க முடிகிறது.

ஓன்று, மூடுண்ட சவூதி அரசின் நீதி, நிர்வாக அணுகுமுறைகளையும், அதன் முரட்டுத்தனமான போக்குகளையும் விமர்சிக்கிறேன் என்கிற என்கிற நிர்பந்தத்தில் இஸ்லாமிய ஷரீஆவை உரசிச்செல்வது.

இன்னொன்று, இஸ்லாமிய ஷரீஆவுக்கு கொடி பிடிக்கிறோம் என்கிற போர்வையில் சவூதி அரசின் சகல சீர்கேடுகளுக்கும் வக்காலத்து வாங்குவது.

இந்த இரண்டு போக்குகளுமே தவறானது.

பொதுவாக ரிசானாவின் விவகாரத்தில் என்ன நடந்தது என்பது தெளிவாகத் தெரியாத நிலையில் வெறும் அனுமானத்தை வைத்து மட்டும் எதையும் நம்மால் தீர்மானிக்க முடியாது. இதற்கும் அப்பால் பொதுவாக சொல்வதற்கு நமக்கு சில உண்டு.

குற்றம் செய்பவர்களுக்கு இனமோ, மொழியோ அல்லது பால்வேறுபாடோ கிடையாது. ஒரு பெண் என்பதாலோ அல்லது அவள் ஏழை - அப்பாவி என்பதாலோ யாரும் குற்றம் செய்வதில் இருந்து விதிவிலக்கு பெற்றவர்கள் அல்ல. குற்றம் எனபது ஒரு திடீர் மனநிலையிலும் நடைபெறலாம். நன்கு திட்டமிட்டும் நடக்கலாம். அதற்கு நிகழ்வின் சூழல்களே பெரிதும் காரணமாக இருக்கின்றன.

பொதுவாக நாம் எந்த நாட்டில் வாசிக்கிறோமோ அந்த நாட்டின் சட்டங்களுக்கு உட்பட்டே வாழ்கிறோம். அப்படிப் பார்த்தால் ரிசானா சவூதி அரேபிய நாட்டின் சட்டதிட்டங்களுக்கு உட்பட்டவள்தான். எனவே சவூதி அரசின் தண்டனை சட்டம் அவளுக்கும் பொருந்தும். இதில் சோகம் என்னவெனில் அது இஸ்லாமிய சட்டமாகவும் அமைந்து போனதுதான்.

சவூதி அரசு முழுமையான இஸ்லாமிய அரசுதானா....?

நமக்குத் தெரிந்து இஸ்லாமிய சட்டங்களை நூறு சதவீதம் பின்பற்றும் அரசு இன்னும் உலகில் எங்கும் நிறுவப்பட்டதாகத் தெரியவில்லை. அடி முதல் நுனி வரை சவூதியில் இஸ்லாமிய சட்டங்கள்தான் பின்பற்றப்படுகிறதா..? அப்படியானால் நண்பர் சாளை பஷீர் சொல்வது போல அமெரிக்க படையினரின் (பெண்கள் பிரிவு) அரைகுறை ஆடைகளோடு தெருவில் நடமாடியதை ஏன் அந்த சட்டத்தால் தடுக்க முடியவில்லை. ?

இது போரின்போது மட்டும் நடக்கும் ஒன்றல்ல.

இயல்பாகவே அங்கு வசிக்கும் - எண்ணை நிறுவனத்தில் பணியாற்றும் வெளிநாட்டினருக்கு அவர்கள் நாட்டில் வாழ்வதைப் போலவே சூழல்கள் அங்கு ஏற்படுத்திக் கொடுக்கப்பட்டிருக்கின்றன. இந்த காட்சியை தம்மாம் நகருக்கு அருகே உள்ள ரஹீமா என்ற ஊரில் நானே நேரில் கண்டுள்ளேன். இங்கெல்லாம் இஸ்லாமிய சட்டத்துக்கு வேலை இல்லையா..?

Administrator: Comment edited