IP: 176.*.*.* Saudi Arabia

1ஆவது வார்டு உறுப்பினர் லுக்மான் அவர்களின் இந்த அறிக்கை முழுமையானது அல்ல என, நமதூரிலிருக்கும் சிலரைத் தொடர்புகொண்டு கேட்டபோது அறிந்துகொள்ள முடிந்தது.

மறைப்பு 1:

கே.எம்.டி. மருத்துவமனை அருகில் ஆளுங்கட்சி முக்கிய உறுப்பினர் ஒருவருடன் உறுப்பினர் லுக்மான் அவர்கள் நின்றுகொண்டிருந்தபோது, அவ்வழியே ஆணையருடன் சென்ற நகர்மன்றத் தலைவி அவர்கள், தனது வாகனத்தை நிறுத்தி, “கலெக்டர் ஆய்வு செய்ய ஊருக்கு வந்துள்ளார்... அவரது வண்டி இப்படியா போனது?” என்று கேட்க, திருச்செந்தூர் திசையை நோக்கி வண்டி சென்றதாக லுக்மான் கூறியிருக்கிறார்.

“நீங்களும் வாங்க காக்கா!” என்று தலைவி கூற, உறுப்பினர் லுக்மானும் ஆய்வு இடத்திற்கு சென்றுள்ளார்.

இந்த நடப்பை உறுப்பினர் லுக்மான் தனது அறிக்கையில் முழுமையாக மறைத்துள்ளார்.

மறைப்பு 2:

ஆய்வு நடந்துகொண்டிருந்தபோது தலைவி உறுப்பினர் லுக்மானிடம், “ஐக்கிய பேரவை தருவதாகக் கூறிய இடத்திற்கான ஆவணங்களைக் கொண்டு வாருங்களேன்... இங்கேயே கலெக்டரிடம் காண்பித்து விடுவோம்” என்று கூறியுள்ளார். ஆனால் உறுப்பினர் லுக்மான் அவர்கள், “ஜும்மாவிற்கு நேரமாகிவிட்டது” என்று கூறி மறுத்துள்ளார்.

(அது வரை தலைவி அவர்களுக்கு ஐக்கியப் பேரவை தரும் இடத்திற்கான ஆவணங்கள் எதுவுமே முறைப்படி சேர்ப்பிக்கப்படவில்லை என்பது இதன்மூலம் நிரூபணமாகிறது. இது ஒருபுறமிருக்க,) இந்தத் தகவலையும் லுக்மான் அவர்கள் தனது அறிக்கையில் மறைத்துள்ளார்.

மறைப்பு 3:

உறுப்பினர் லுக்மான் அவர்கள் தனது அறிக்கையில், ஐக்கியப் பேரவை தரும் இடம் குறித்து தானே முதலாவதாக கலெக்டரிடம் கூறியது போல் கூறியிருக்கிறார். ஆனால், தனது அறிக்கையில் ஒரு வாசகத்தை “வழமை போல” மறைக்க மறந்துவிட்டார் போலும்! (இதுதான் அல்லாஹ்வின் செயல்!)

உறுப்பினர் லுக்மான் அவர்களின் கூற்றுப்படி அவர்தான் ஐக்கியப் பேரவை இடம் குறித்து ஆட்சியரிடம் கூறினார் என்றால், கலெக்டரின் உதவியாளர் “மேடம் CRZ அருகில் உள்ள இடம் என்று சொன்னார்களே...? அந்த இடம்தானே??” என்று எப்படி கேட்டார்.

இவருக்கு முன்னரே அந்த இடம் குறித்து தலைவி ஆட்சியருடன் பேசியிருக்கிறார் என்பதை இதன்மூலம் அறிய முடிகிறதல்லவா? நடப்பு இப்படியிருக்க எப்படி தலைவியை உறுப்பினர் லுக்மான் குற்றம் சாட்ட முடியும்?

இந்த நடப்பையும் உறுப்பினர் லுக்மான் அவர்கள் வசதியாக மறைத்துவிட்டார்.

மறைப்பு 4:

சரி அது போகட்டும்! “ஐக்கிய பேரவை தருவதாக வாக்களித்த இடம் முன்னரே CRZ விதிமுறைகள் படி நிராகரிக்கப்பட்ட இடமா?” என பலமுறை உறுப்பினர்களிடம் தலைவி கேட்டுள்ளார். “இல்லை அது வேறு இடம்” என உறுப்பினர்கள் கூறியுள்ளனர். VAO / தலையாரி ஆகியோர் அது ஏற்கனவே CRZ விதிப்படி நிராகரிக்கப்பட்ட இடம் என உறுப்பினர்கள் முன்னிலையில்தான் தலைவியிடம், முன்னொரு தருணத்தில் கூறியுள்ளனர்.

இந்த முன் சம்பவமும் வசதியாக மறக்கப்பட்டுள்ளது.

மறைப்பு 5:

தலைவியைப் புறக்கணித்துவிட்டு, உறுப்பினர்களிடம் ஆவணங்களை ஐக்கியப் பேரவை தந்துள்ளது. அவ்வாறு ஆவணங்களைத் தந்த ஐக்கியப் பேரவை, அந்த இடத்தைப் பரிசீலிக்கக் கோரும் கூட்டப் பொருளை - அதற்குப் பிறகு நடைபெற்ற டிசம்பர் அல்லது ஜனவரி மாத நகர்மன்றக் கூட்டங்களிலாவது கொண்டு வர சொல்லியிருக்கலாம். பேரவை அதைச் செய்யவில்லை.

சரி, ஆவணங்களை பெற்றுக்கொண்ட (லுக்மான் உள்ளிட்ட) உறுப்பினர்களாவது அதனைச் செய்திருக்க வேண்டும். அவர்களும் செய்யவில்லை.

இவை எதையுமே தானும் செய்யாமல், தலைவியிடமும் அந்த இடம் குறித்த எந்த ஆவணத்தையும் முறையாகக் கொடுக்காமல் தலைவியைக் குற்றம் சாட்டும் இவர்கள் மனசாட்சி உள்ளவர்கள்தானா என எண்ணத் தோன்றுகிறது.

ஏற்கனவே பல அறிக்கைகளை விட்டு மக்களிடம் “நற்பெயர்” சம்பாதித்துள்ள உறுப்பினர் லுக்மான் அவர்கள், நான் சொல்லும் இந்தத் தகவல்கள் குறித்து தனது அறிக்கையை வெளியிடட்டும்! இதில் கூறப்பட்டவை உண்மையில்லை என நிரூபிக்கட்டும்! இவையனைத்தும் 100 சதவிகிதம் உண்மை என்பதை நானும் தகுந்த சாட்சியங்களுடன் நிரூபிக்க தயாராக உள்ளேன் என்பதைக் கூறி, உறுப்பினர் லுக்மான் அவர்களின் அறிக்கையை எதிர்பார்த்து முடிக்கிறேன்.

ஊரில் புரட்சி செய்யப்போவதாக ஒரு மாயையை ஏற்படுத்தி பொறுப்பிற்கு வந்த லுக்மான் அவர்களே! உங்களால் ஊருக்கு நல்லது செய்ய முடியவில்லையெனில், குறைந்தபட்சம் அமைதி காத்தாவது நன்மைக்குத் துணை நிற்கலாமே...?