IP: 71.*.*.* United States

வல்ல இறைவன் அனஸ் ஓமர் காக்கா அவர்களின் உளமார்ந்த துஆவை கபூல் செய்வானாக ! அதுதான் நம் எல்லோருடைய... ஒவ்வொரு அடிமட்ட காயலானின் துஆவும் ! கேப்பாவின் கரங்கள் வலுப்படுத்த பட வேண்டும். அவர்களின் முயற்சிகள் அனைத்தும் வெற்றி பெரும் என்ற நம்பிக்கை உள்ளது.

அந்த ஒரு லட்சம் கையெழுத்தை சேகரிப்பதற்காக, தன் சொந்த வேலைகளை எல்லாம் புறந்தள்ளி விட்டு அதற்காக அவர்கள் சிந்தும் வியர்வைகள், DCW தரும் நெருக்கடிகள், பொருளாதார கஷ்டங்கள் & போராட்டத்தினை முழு முனைப்புடன் தொடர்ந்து ஊரில் நடத்துவதற்கான ஆள் (manpower) சப்போர்ட் இல்லாமல் தவிக்கும் தவிப்புகள் எதுவும் இங்கே பதிய படுவதில்லை. அதனால் தான் என்னவோ, சமூக சேவைகளும் & போராட்டங்களும் நமக்கு மிக எளிதாக தெரிகின்றது.

காலில் சக்கரம் கட்டாத குறையாக மிகவும் பரபரப்பாக மனிதன் தன் வாழ்க்கையை செலுத்தி கொண்டிருக்கும் இக்கால கட்டத்தில், சமூக சேவை என்ற எண்ணம் பொதுவாக எல்லோருக்கும் வருவதில்லை. அப்படியிருந்திருந்தால் ஊரிலே இருந்து கொண்டு நல்ல வியாபாரத்துடன், பொருளாதார தன்னிறைவு பெற்ற எத்தனையோ சகோதரர்கள் இருக்கின்றார்கள். அவர்களனைவரும் இது போன்ற விடயங்களில் களத்தில் குதித்திருப்பார்கள்.

எந்த ஒரு அமைப்பாக அல்லது சமூக சேவையாக இருந்தாலும் , விரல் விட்டு எண்ணக்கூடிய அதே பத்து (?) பெரியவர்கள் சமூக ஆர்வலர்கள் இளைஞர் பட்டாளங்கள் தான் முன்னே வருகின்றார்கள். இவர்களாவது வருகின்றார்களே என்று அவர்களை ஊக்கப்படுத்துவோம் கண்ணியப்படுத்துவோம் அவர்களின் கரங்களை வலுப்படுத்துவோம் அவர்களுக்காக துஆ செய்வோம் !

சமூக அமைப்புகள் ஒன்றும் ஏதோ ஒரு அரசியல் ஆதாயத்திற்காக பொழைப்பை நடத்தும் கட்சிகள் இல்லை அல்லது நாமும் அவர்களுக்கு சம்பளம் கொடுத்து வேலைக்கும் வைக்க வில்லை. அவர்கள் (அமைப்பினர்) என்ன செய்து கொண்டிருக்கின்றார்கள் என்று நம்மை நாமே கேட்பதை விட, இது போன்ற அனைத்து நற்காரியங்களுக்கும் நமதூர் அமைப்புகளுக்கு உதவ நிறைய சமூக ஆர்வலர்களை உருவாக்குவோம் !