IP: 117.*.*.* India

கத்தார் காயல்நல மற்ற படங்களை பார்க்கும்போது அங்கு யாரும் வயதானவர்கள் இருப்பதாக தெரியவில்லையே, பின் ஏன் இளைஞர்கள் புதியவர்கள் மன்றத்தை வழி நடத்தி செல்லவேண்டும் என்கிறார்கள் என்பதை நான் நினைத்து பார்த்தேன். ஒரு உண்மை புரிந்தது.

இப்போது செயலாற்றுபவர்களே தொடர்ந்து இருந்தால் மற்றவர்களுக்கு வாய்ப்பு கொடுக்காமல் பதவியில் ஒட்டிக் கொண்டிருக்கிறார்களே என்று ஒரு மன சிராய்ப்பு ஏற்படும். நான் தம்மம் காயல்நல மன்றத்தில் செயலாளராக இருந்தபோதும் ரியாத் காயல் அலையன்ஸ் கமிட்டியில் துணை தலைவராக இருந்தபோதும் அதனை அவதானித்தேன். வருடா வருடம் பொதுக் குழு கூடி புதியவர்களை தேர்ந்து எடுக்க வேண்டும் என்ற தீர்மானமும் கொண்டு வந்தேன். மன்றத்தில் அதற்கு ஆதரவும் எதிர்ப்பும் இருந்தது. பொது நல சேவைதான். என்றாலும் ஷைத்தான் நமது நாடி நரம்புகளில் ஓடிக்கொண்டு இருக்கும் இரத்தத்துடன் போட்டி போட்டுக் கொண்டு ஓடிக் கொண்டிருக்கிறான்.

எனவே இளைஞர்கள் தாங்களாகவே முன் வந்து பொறுப்பேற்று இப்போதிருப்பவர்களை ஆலோசனை குழு உறுப்பினர்களாக ஏற்றுக்கொண்டு அவர்கள் அறிவுரைப்படி செயலாற்றவும் புதிய சிந்தனைகளை மன்றத்தின் செயல்பாட்டில் கொண்டு வந்து ஊர் மக்கள் எல்லா வளமும் பெற்று வாழ பல கோணங்களில் இருந்து யோசியுங்கள். மாற்றி யோசிக்க பழகுங்கள். பழையன கழிதலும் புதியன புகுதலும் காலத்தின் கட்டாயம். நமது பயணம் முன்னோக்கி செல்ல வேண்டும். ஒரு புதிய யுகத்துக்கு மாற தயாராகுங்கள். வாழ்த்துக்கள்.