IP: 117.*.*.* India

கடற்கரையையொட்டி அமைந்துள்ள - குருவித்துறைப் பள்ளிக்கு சொந்தமான இந்த தொழுமிடத்தில் சுத்தம் - சுகாதாரத்திற்கு அஞ்சுமளவுக்கு எவ்வித பங்கமும் இதுவரை இல்லை என்றே சொல்ல வேண்டும்.

மாலை - இரவு நேரங்களில், அங்கு வழமையாக அமர்ந்திருப்போர் கண்காணிக்கின்றனர் என்றால், காலை நேரங்களில் அங்கேயே கதி என்று காவலாளி போல இருக்கும் என் உறவினர் யஃகூப் போன்ற ஒரு சிலர் கண்காணிக்கத் தவறுவதில்லை.

ஆடு உள்ளே வந்த இந்த நிகழ்வு சற்று வேறுபட்டது. தொழுகை நடக்காத நேரங்களில் இவ்வாறு நடந்திருந்தால் உடனடியாக தடுக்கப்பட்டிருக்கும். அனைவரும் தொழுதுகொண்டிருந்தபோது இது நிகழ்ந்துள்ளதால் தடுக்க வழியிருக்கவில்லை.

இங்கு ஒரு கருத்தாளர் கேட்டுள்ளது போல, தொழுகை முடிந்த பிறகும் அதை யாரும் கவனிக்காமலிருக்கவில்லை. ரசிக்கும் வகையில் இருந்ததால் அதைப் படமெடுக்க வேண்டி, கிடைத்த சில வினாடிகள் பயன்படுத்திக்கொள்ளப்பட்டது. மற்றபடி, தொழுகை நிறைவுற்றவுடன் ஆடு (அன்போடு) விரட்டப்பட்டது உண்மை.

மற்றொரு கருத்தாளர், இப்பகுதியில் ஒரு வேலி அமைக்கலாம் என யோசனை தெரிவித்துள்ளார். ஏற்கனவே, இத்தொழுமிடத்தை நிர்வகித்து வரும் பெரியவர்களுக்கு அந்த எண்ணம் உள்ளது. யாரேனும் ஆர்வப்பட்டால் அது விரைவாக நிறைவேற்றப்படக் கூடும் என்று அறிய முடிகிறது.