IP: 117.*.*.* India

ஆபிதா அம்மா அவர்களின் அறிவிப்பு தாமதமாக வந்துள்ளது. ஏற்கெனவே நகரின் பட்டி தொட்டிகளில் மூலை முடுக்குகளில் முக்காடிட்டு கசிந்து வந்த செய்திதான். இன்றே அவர்கள் அதிமுக வில் இணைந்திருக்க வேண்டும்.

அமெரிக்காவில் ஒரு வங்கி திவால் ஆகியபோது உலகநாடுகளுக்கு அது தெரியுமுன்னமே சஹர் நேரத்தில் நமதூரில் செய்தி வெளியாகி ICICI வங்கியில் நமது பெண்கள் ATM மில் பணம் எடுத்து வங்கி நிர்வாகத்தையே அதிர வைத்தார்கள். அப்படி பட்ட ஊரில் ஆபிதா அம்மா அவர்கள் இந்த அறிவிப்பை காலம் தாழ்ந்து அறிவித்திருக்கிறார்கள்.

நீங்கள் எந்த கட்சியில் இருக்கிறீர்கள் எனபது நமது மக்களுக்கு முக்கியமல்ல. நீங்கள் என்ன வாக்குறிதிகளை மக்கள் முன் வைத்து ஆட்சியை கைப்பற்றினீர்கள், இப்போது அந்த இலக்கை நோக்கி நீங்கள் எவ்வளவு தூரம் முன்னேறி இருக்கிறீர்கள் என்பதை தான் மக்கள் அவதானித்து கொண்டிருக்கிறார்கள்.

சாதனையாளர்கள் எல்லாம் துணிச்சலாக பேச வேண்டும் என்ற நியதி கிடையாது. துணிச்சலாக பேசுபவர்கள் எல்லாம் சாதனையாளர்களாக ஜெயலலிதாவாக ஆக முடியாது.

பூமியில் நடப்பதும் வானத்தில் பறப்பதும் அவரவர் எண்ணங்களே. தெளிவான திட்டம். கடும் முயற்சி, மக்களுக்கு சேவை செய்யும் வைராக்கியம், எடுத்து வைக்கும் வாதங்களில் நேர்மை எல்லோரையும் அணைத்து செல்லும் பொறுமையான நற்குணம் இவைதான் உங்கள் திறமைக்கு துணை நிற்கும். வெறும் பேச்சுக்கள் மட்டுமல்ல.

எனினும் உங்கள் துணிச்சலான முடிவை இன்று அறிவித்ததற்கு வாழ்த்துக்கள். அதிமுக வில் இணைவதால் இந்த ஊருக்கு என்ன நன்மை செய்யமுடியும் என்று யோசித்து உடனடியாக அந்த நல திட்டங்களை பெற்று தாருங்கள்.

TIME AND TIDE WAIT FOR NO MAN..போர்குணம் என்பது தீக்குச்சி போல்...அது உரசும் போது பற்றிக்கொள்ள வேண்டும். அது எப்போதும் எரிந்து கொண்டிருக்கும் கொள்ளிக் கட்டைபோல் இருக்கக் கூடாது.