IP: 117.*.*.* India

சினிமா பார்க்கும்போது ஒரு பரப்பான காட்சி வரும். அடுத்த ஸீன் என்ன என்று சாய்ந்திருப்பவர்கள் ஒரு சிலிர்ப்புடன் சேர் நுனியில் அமர்ந்து எதிர்பார்த்து காத்திருப்பார்கள். சில சமயம் விறுவிறுப்பாகவும் இருக்கும், சில சமயம் சோர்ந்து போகும் காட்சியாகவும் இருக்கும். அதே போல் நகர் மன்றம் ஆகிவிட்டது.

தலைவிக்கு உறுப்பினர்கள் மீது நம்பிக்கை இல்லை. உறுப்பினர்களுக்கு தலைவி மீது நம்பிக்கை இல்லை. இதற்கிடையில் தலைவி அவர்கள் அதிமுகவில் தன்னை இணைத்துக் கொள்வதாக நேற்று முன்தினம் பகிரங்கமாக அறிவித்திருக்கிறார்கள். ஏதோ ஒரு மூன்றாவது சக்தி தன்னை அச்சுறுத்துவது போன்றும் பேசி இருக்கிறார்கள்.

125 ஆண்டு பாரம்பரியம் மிக்க நகரமன்றத்தின் souvenir வெளியிட வேண்டியவர்கள் இப்படி மன்றத்தை சீரழித்து கொண்டிருக்கிறார்களே என்று மக்கள் வேதனை படுகிறார்கள். லஞ்சம் வாங்காத தலைவிக்கு தலை இடி கொடுக்கிறார்கள் என்று ஒரு சாராரும், உறுப்பினர்களை தலைவி மதிப்பதில்லை, அவர்களுடன் ஆலோசனை செய்வதில்லை, தான்தோன்றித்தனமாக நடக்கிறார் என்று எதிர் சாராரும் ஒருவரை ஒருவர் குற்றம் சொல்லிக் கொண்டு இருந்தால், அங்கே வருகின்ற தண்ணீர் வசூல் பணம், வீட்டு வரி வசூல் பணம். dcw தரும் பணம், அரசு தரும் பணம் இந்த வருவாய் பணம் இலட்சக்கணக்கில் வருகிறதே, எரிகிற வீட்டில் கிடைக்கிறது மிச்சம் என்று, இந்த பணங்களை யாரும் சுருட்டிக் கொண்டு போய் விடுவாகளோ என்று பயமாக இருக்கிறது.

அதிகாரிகள் மட்டத்தில் நிறைய ஊழல்கள் கையாடல்கள் நடப்பதை தினசரி பத்திரிக்கைகளில் படிக்கிறோம். சென்ற ஆட்சியில் அப்படி ஒரு செக் மோசடி நடந்ததாக கேள்விப் பட்டேன். இது ஒரு சிறிய ஊர். கேட்கவா வேண்டும்.

நிலைமை கைமீறி போகுமுன் நடுநிலையாளர்கள் சமூக ஆர்வலர்கள், ஊர் நன்மையில் அக்கறையுள்ளவர்கள், தங்கள் சொந்த விருப்பு வெறுப்புக்களை ஒதுக்கி வைத்து விட்டு இந்த stalemate தேக்க நிலை இனியும் நீடிக்காமல் இருக்க ஆவன செய்யுங்கள் என்று பொது மக்கள் புலம்புகிறார்கள்.