IP: 117.*.*.* India

மக்களுக்கு விநியோகிக்கும் மண்ணெண்ணெய் முறைகேடாக அடையாளம் தெரியாத நபருக்கு தாரை வார்த்துக் கொண்டிருப்பதாக இத்தளத்தின் செய்தியாளருக்கு தகவல் வந்ததும் என்னிடம் பேசிக் கொண்டிருந்த அவர் அவசர அவசரமாக விரைந்து சென்றார். கொளுத்தும் வெயிலைக் கூட பொருட்படுத்தாமல் கடையைச் சுற்றியுள்ள முடுக்குகளில் தேடிப்பார்த்தும் கிடைக்காதபோது கடைக்காரரிடம் விளக்கம் கேட்கவே அவர் முன்னுக்குப் பின்னாக தடுமாற்றத்தோடு பதில் அளித்தார். சந்தேகம் வலுத்ததால் கடையின் உள்ளறையை ஜன்னல் வழியாக நோட்டமிட்டபோது அங்கேதான் இந்த பகல் கொள்ளை நடைபெற்றுக் கொண்டிருந்தது.

பாரலில் ஓட்டை எனவேதாம் மாற்றிக் கொண்டிருக்கின்றோம் என வாதடியவரிடம் வெள்ளை நிற பிளாஸ்டிக் சாக்கால் மூடிய கேனை வெளி நபர் ஒருவர் பிடித்துக் கொண்டிருப்பதை பார்த்து இவருக்கு இங்கு என்ன வேலை? என கேட்கவே, தான் கையும் களவுமாக மாட்டிக் கொண்டதை அறிந்து சரி! தப்பு நடது விட்டது. இந்த ஒருமுறை மட்டும் மன்னித்து விடுங்கள் பிரச்சனையை பெரிதாக்க வேண்டாம் என அக்கடையை நடத்துபவர் கெஞ்சிக் கேட்டதை நான் என் காதால் கேட்டேன்.

செய்தியாளர் விடுவதாக இல்லை! அதிகாரிக்கு ஃபோன் போட்டு நடந்த விபரங்களை கூறி விட்டேன். எதுவானாலும் நீங்கள் அவரிடம் பேசிக் கொள்ளுங்கள். பொதுமக்களின் தேவைக்காக அரசு தரும் சலுகையையை முறைகேடாகப் பயன்படுத்த ஒரு போதும் நான் ஒத்துழைக்க மாட்டேன் என அவர் உறுதிபடக் கூறினார்.

இக் கடையில் பல முறைகேடுகள் வழக்கமாக நடந்து வருவதாக அத் தெருவாசிகள் பலரும் கூறுவது உண்மை என்றே பட்டது.

-ராபியா மணாளன்.