IP: 117.*.*.* India

தோற்றல் எளிமை... உரக்கப் பேசி பழக்கமற்றவர்... அனைவரோடும் அன்பாகவும், மரியாதையாகவும் பழகி வந்தவர்...

ஒலிபெருக்கி இல்லாத கால கட்டத்திலும், சொளுக்கார் தெரு, தீவுத்தெருவுக்கு நடுவிலிருக்கும் பள்ளியின் மேற்பகுதியிலிருந்து அவர் ஒலிக்கும் தொழுகைக்கான அழைப்பொலி (அதான்) கொச்சியார் தெரு, கடற்கரை வரை கேட்கும். அவ்வளவு கம்பீரமான - பிசிறில்லாத குரல் வளம்...

நுஸ்கி காக்கா சொன்னது போல, அடக்கம் செய்யப்பட்ட பின்னர் அவர் தல்கீன் ஓதுவதை பொருளறிந்து கேட்போரை மறுவுலக வாழ்விற்கே கொண்டு சென்று விடுவார்... அவ்வளவு உருக்கம்!

சுமார் 35 ஆண்டு காலம் எங்கள் குருவித்துறைப் பள்ளியில் புனித பிலால் பணியை குறையின்றி செய்து ஓய்வு பெற்றவர். பணிக்காலத்தில் தன் மீது யார் கோபப்பட்டாலும் கூட பதிலுக்கு கோபத்தைக் காண்பித்திராதவர்.

வல்ல அல்லாஹ் அவர்கள் தம் வாழ்நாளில் அறிந்தோ, அறியாமலோ செய்த பாவப் பிழைகளைப் பொருத்தருளி, மறுமையில் ஜன்னத்துல் ஃபிர்தவ்ஸ் எனும் உயர் சுவனத்தை நற்கூலியாக வழங்கியருள்வானாக...

பிலாலாக (முஅத்தினாக) உலகில் திகழ்ந்தவருக்கு மறுமையில் என்னென்ன தகுதிகளெல்லாம் தரப்படுமோ அவையத்தனையையும் கருணையுள்ள அல்லாஹ் இந்த நல்லவருக்கு வழங்கியருள்வானாக...

அன்னாரின் பிரிவால் துயருற்றிருக்கும் குடும்பத்தினருக்கு அல்லாஹ் அழகிய பொறுமையைத் தந்தருள்வானாக, ஆமீன்.

அனைவருக்கும் எமதன்பான அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.