IP: 117.*.*.* India

அஸ்ஸலாமு அலைக்கும் (வரஹ்).

அன்பு மாணவமணிகளே!

நம்ம ஊரில் 455 மாணவமணிகள் தேர்வு எழுதுவதாக செய்திகள் வெளியாகி இருக்கிறது – அனைவர்களும் நன்றாக தேர்வு எழுதி அதிக மதிப்பெண்கள் பெற்று தேர்ச்சிப்பெற வேண்டும் என்பதே! அடியேனின் ஆசை மற்றும் பிரார்த்தனையும்கூட.

------------------------------------------

ஒவ்வொருவரும் அவரவர் விருப்பப்படும் துறைக்கு செல்வதே சிறந்த செயலாகும் – அதுதான் அவர்களுக்கு நல்ல பலனைத் தரும்.

அவரவர் விருப்பத்திற்கு மாற்றமாக அடுத்தவர் சொல்படி வேறொரு துறையை தேர்ந்தெடுத்தால் அது நினைத்த பலனை எட்ட உதவாது என்பது எல்லோரும் அறிந்த உண்மை.

அதனால் ஒருவர், ஒருத்துறையை எடுக்க முடிவு செய்துவிட்டால் அதில் உறுதியாக இருந்து, முயற்சித்து அதை பெறவேண்டும் – நிச்சயமாக அது அவருக்கு கிடைக்கும்.

---------------------------------------------

ஒருவேளை அவர் எடுக்க நினைத்த துறைக்கு தேவையான மார்க்குகளை அவர் பெற்றிருக்கவில்லை என்றால் அவர் மாற்று வழியைத்தான் தேடவேண்டும் அதில் தப்பேதுமில்லை.

தேவையான மார்க்குகளைவிட அதிக மார்க்குகள் கிடைத்துவிட்டது என்பதற்காக முதலில் தீர்மானித்த துறையை மாற்றுவதும் – இயல்பாக பொருந்திவரக்கூடிய செயலாகாது.

எனவே, முதலில் எடுத்த முடிவில் / தீர்மானத்தில் உறுதியாக இருந்து படித்தால் இறைவனருளால் வெற்றி நிச்சயம்.

---------------------------------------------

சென்ற ஆண்டு சில மாணவிகள் மதரஸாவிற்கு செல்வதற்காக முடிவு செய்து , அப்ளிகேஷன் ஃபார்ம் வாங்கியபின் - மார்க்குகள் கூடுதலாக கிடைத்திருக்கிறதே அதனால் கல்லூரியில் சேர்ந்து படி என்று பிறர் சொன்னார்கள் என்பதற்காக மதரஸாவில் சேராமல் கல்லூரிக்கு சென்றார்கள்.

இது அவர்களின் உறுதியற்ற தன்மையை காட்டுகிறது - அதுமட்டும் அல்ல – மார்க்க கல்வியை கற்பதில் அக்கறையின்மையையும் தெளிவுப்படுத்துகிறது.

------------------------------------------------

மாணவிகளே! மாணவிகளின் பெற்றோர்களே!!

எதிலும் உறுதியாக இருந்து செயல்படுவதுடன் – மார்க்கக் கல்வியை புறக்கணிக்காதீர்கள் என்பதையும் – இன்றைய கல்லூரி வாழ்வு உங்கள் பெண் மக்களுக்கு எந்த வகையிலும் அதிக நன்மையை தரப்போவதில்லை என்பதையும் உணர்த்த விரும்புகிறேன்.

சுட்டால் சுடும் நெருப்பு என்பதை சொல்லால் உணர வேண்டும் – தொட்டுப்பார்த்துதான் உணர்வோம் என்றால் அது உங்கள் விருப்பம்.

எல்லாம் வல்ல அல்லாஹ்! நம் மக்கள் அனைவருக்கும் நேர்வழியை பின்பற்ற தவ்ஃபீக் செய்வானாக ஆமீன்.

வஸ்ஸலாம்.

அன்புடன், “ மஹ்மூது மாமா “