IP: 123.*.*.* India

இன்னொரு புனித யாத்திரை! மற்றுமொரு புண்ணியஸ்தலம்!!

குடிநீர், சாலை வசதி, மின்சாரம் இவைகள் மக்களுடைய அடிப்படைத் தேவைகள் மட்டுமல்ல ஒரு நாட்டின் பொருளாதார முன்னேற்றத்திற்கு முக்கியமான காரணிகளாகும்.

இரண்டு மாதத்திற்கு முன் வரையில் நமதூரில் தண்ணீர் தட்டுப்பாடு இருந்தது. சுமார் 10 நாட்களுக்கு ஒரு முறை தண்ணீர் வந்து கொண்டிருந்த அந்த நேரத்தில் ஊர் மக்களுக்கு முறையாக தண்ணீர் கிடைக்க TWAD (Head office)க்கு நீர் கேட்டு நெடிய பயணம் மேற்கொண்டார்களா?

அரசு விதிப்படி சாலைகள் போடப்படாமல் கிடப்பில் பல வாரங்களாக இருந்த நிலையை எதிர்த்து சம்பந்தப்பட்ட வாரியத்தில் போய் மக்களுக்காக குரல் கொடுத்தார்களா ?

மின்சாரத்தைப் பொருத்தமட்டில் நம் ஊர் மட்டுமல்ல மொத்த தமிழ்நாடே சிரமப்பட்டுக்கொண்டிருக்கிறது. அதனால் மின்சார வாரியதிற்க்குப் போய் மின்சாரம் தடையில்லாமல் கிடைக்க ஏற்பாடு பண்ணவில்லை என்று மக்கள் குறை கூறமாட்டார்கள். ஆனால் பல மாதங்களாக தெருவிளக்குகள் எரியாமல் இருளில் கிடந்தபோது இவர்கள் ஒன்று திரண்டு மின்வாரியத்தை அணுகி தெரு விளக்குகளை சரி செய்ய முன்வந்தார்களா?

கடந்த சில மாதங்களுக்கு முன் மக்கள் நலனைக் கருதி DCW வுக்கு எதிராக நடைபெற்ற போராட்டங்களில் இவர்களில் பலர் கலந்து கொள்ளாமல் எங்கே சென்றார்கள்?

இந்த மாதிரி மக்கள் நலனை முன்னிறுத்தி எந்த காரியத்திலும் ஈடுபடாத இவர்கள் மக்களால் தேர்ந்தெடுக்கப்பட்ட (இவர்களால் தேர்ந்தெடுக்கப்படாத) தலைவி மீது நம்பிக்கை இல்லை தீர்மானம் கொண்டுவர எந்த தார் மிக உரிமையும் இல்லை. மாறாக மாதத்திற்கு ஒருமுறை நடை பெரும் நகராட்சி கூட்டத்தில் அடிக்கடி வெளிநடப்பு செய்யும் இவர்களுக்கு எதிராக கையெழுத்து வேட்டையில் இறங்கி சம்பந்தப்பட்ட அரசு அதிகாரிகளிடம் புகார் கொடுத்து நடவடிக்கை எடுக்கும்படி செய்வதற்கு இவர்களை தேர்ந்தெடுத்த மக்களுக்கு தார்மீக உரிமையுள்ளது.

மக்கள் தூங்கும் வரைதான் இவர்களின் ஆட்டம்.