IP: 117.*.*.* India

இந்த மொழிபெயர்ப்பை, அச்சுக்கோர்வை செய்வதற்காக - நான் பெரிதும் மதிக்கும் என் கண்ணியத்திற்குரிய கலாமி மாமா அவர்கள் என்னிடத்தில்தான் முதலில் வழங்கினார்கள். சிறிதளவு வேலையையும் முடித்துக்கொடுத்தேன். ஆனால், நாளடைவில் எனது பணிப்பளு அதிகரித்த காரணத்தால் - என்னால் அதை முடித்துக்கொடுக்க இயலாமல் போனது. அவர்களையும் வருந்தச் செய்துவிட்டேன்... (அந்நேரத்தில் தன் கோபத்தைக் கூட என்னிடம் முறைப்படி காண்பிக்க அவர்களுக்குத் தெரியவில்லை.)

இன்று, இந்நூல் அனைத்துப் பணிகளும் முடிந்து கையில் கிடைக்கிறது என்ற செய்தியை அறிகையில் உண்மையில் முதல் மகிழ்ச்சி எனக்குத்தான் என்பதை எண்ணி பெருமிதமடைகிறேன்.

இங்கு பலர் குறிப்பிட்டுள்ளது போல உண்மையிலேயே இது ஓர் அற்புதமான சரித்திர நூல் என்பதை அச்சுக்கோர்வை செய்தபோதுதான் உணர்ந்துகொண்டேன்.

வல்ல அல்லாஹ் அவர்களின் வாழ்நாளை நீட்டித்து, சரீர சுகத்தையளித்து, நமக்குத் தெரியாத இன்னும் பல பொக்கிஷங்களை வெளிக்கொணர அவர்களுக்கு அருள் செய்வானாக, ஆமீன்.

இங்கு கருத்து தெரிவித்த பலர், “நிறைகுடம் தளும்பாது” என்று குறிப்பிட்டுள்ளனர். “நிறைகுடம் தளும்பும்” என்பதே சரியான கருத்து.

அதாவது,
“நிறைகுடம் தளும்போது
குறைகுடம் கூத்தாடும்”
என்பதே அந்தப் பழமொழி.

குறைமதியாளர்களெல்லாம், குறைவான தண்ணீர் கொண்ட குடம் கூத்தடிப்பது போல பெருமையில் துள்ளிக் குதித்துக் கொண்டிருக்கும்போது, தன்னடக்கமிக்க அறிஞர்கள், தண்ணீர் நிறைந்துள்ள குடம் தளும்புவதைப் போல அமைதி காப்பர் என்பதே அதன் விளக்கம்.

எனக்குத் தெரிந்த சிறிய செய்தியை உங்களுடன் பகிர்ந்துகொண்டுள்ளேன்.