IP: 188.*.*.* Saudi Arabia

துடிப்பாகவும் துரிதமாகவும் நடவடிக்கை எடுக்கும் மாவட்ட ஆட்சியர் அவர்களுக்கு பல கோடி நன்றிகளும் பாராட்டுக்களும்.

மாவட்டத்தில் இருக்கும் மற்ற அதிகாரிகளும் ஒத்துழைத்தால் தான் மக்கள் பணிகள் சிறப்பாக இருக்கும். அதிகமானோர் மக்களுக்கு விசுவாசமாக இருப்பதற்கு பதிலாக வேறு யாருக்கோ விசுவாசமாக இருப்பது தான் பிரச்சனையின் மூல காரணம்.

நானும், காயல்பட்டினம் சுற்றுச்சூழல் பாதுகாப்பு அமைப்பின் (KEPA) சார்பாக, மாவட்ட ஆட்சியரிடம் DCW மாசு சம்பந்தமாக மனு கொடுக்கும் குழுவினருடன் சென்று இருந்தேன், மக்கள் குறை கேட்கும் நாள் அன்று, தூத்துக்குடிக்கு.

ஆட்சியர் அவர்கள் அன்று வருவார்கள் வருவார்கள் என்று காத்து இருந்து, கடைசியில் அவர்கள் வேறு அவசர வேலை காரணமாக கூட்டத்திற்கு வர இயலாததால், கூட்டத்திற்கு தலைமை ஏற்ற அதிகாரியிடம், நினைவூட்டல் மனுவை கொடுத்ததும், அவர்கள் மாவட்ட மாசுகட்டுப்பாட்டு வாரிய அதிகாரியை அழைத்து, இதன் நடவடிக்கை என்ன என்று வினவ..

அவரோ, மிகவும் பொறுப்பாக பதில் அளித்தார்கள்.

" எங்க கடமை முடிந்து விட்டது, DCW சம்பந்தமான அறிக்கையை சென்னைக்கு அனுப்பிவிட்டோம், , முன்பே ஒரு பகுதியை மூட ஆணை பிறப்பித்தோம், ஒன்றும் பயன் இல்லை, ஆக சென்னை அதிகாரிகள் தான் முடிவு செய்யனும்" என்ற கையாலாகாத பதிலை சொன்னார். அன்றே சுர்க்க் என்று மனதில் பட்டது. இவர்களின் விசுவாசம் எங்கு என்று.

இன்று, மாவட்ட ஆட்சியரின் அறிக்கையில் தெளிவாக்கி விட்டது.

____ " தூத்துக்குடியில் இயங்கி வரும் ஸ்டெர்லைட் ஆலையிலிருந்து வெளியேறிய நச்சு வாயு தொடர்பாக, மாவட்ட மாசுகட்டுப்பாட்டு வாரியம் சரியான தகவலை அளிக்கவில்லை "..

மக்களே புரிந்து கொள்ளுங்கள்...

ஒரு அரக்கனுக்கு ஆப்பு அடித்து விட்டார்கள், DCW அரக்கனுக்கு என்று ஆப்பு அடிப்பார்களோ.. !!

( ஆப்பு என்ற வார்த்தையை சொன்னாலே பலருக்கு கடுப்பு வருகிறது, ஆக ஆப்பு என்ற வார்த்தைக்கு பதிலாக, உங்களுக்கு விருப்பமான வார்த்தையை உபயோகிக்கவும் )

சாளை S.I.ஜியாவுத்தீன், அல்கோபார்