IP: 117.*.*.* India

எல்லாமே அல்லாஹ்வுக்காக என்ற உணர்வின் வெளிப்பாடு வெள்ளிடை மலையாக தெரிகிறது.

நடைபெற்ற இந்த மாபெரும் இஜ்திமாவை ஏற்பாடு செய்ய பொதுக்குழு கூட வில்லை, செயற்குழு இல்லை, தலைவர் துணைத்தலைவர் செயலாளார் யாரும் நியமிக்கப் படவில்லை. ஒவ்வொரு நாள் மக்ரிப் தொழுகைக்குப் பிறகு யாசீன் ஓதி து ஆ கேட்கிறார்கள். அதன் பிறகு ஆலோசனை. யார் யார் என்ன பொறுப்பை எடுக்கிறீர்கள், யாரிடம் ஒப்படைக்கலாம். எல்லோரும் தனித்தனியாக அவர்கள் அபிப்பிராயங்களை கூறலாம். கடைசியில் அமீர் என்ற அப்போதைய ஆலோசனை தலைவர் அந்த குழுவை அறிவிப்பார். எல்லோரும் சம்மதித்து கொள்கிறார்கள். எல்லோரும் இரண்டு ரக அத சுன்னத் தொழுதுவிட்டு தனக்கு இட்ட பொறுப்பை சரிவர நிறைவேற்றுவதற்கு எனக்கு வலுவை தா என்று அல்லாஹ்விடம் கை ஏந்தி கேட்டு விட்டு அவர்கள் வேலையில் ஈடுபடுவது. அல்லாஹு அக்பர், என்ன ஒழுக்க விதி முறை, எவ்வளவு கட்டுப்பாடு... காவல் துறைக்கு வேலையே இல்லை, இல்லை உளவு துறை ரிப்போர்ட் நமது முதல்வருக்கு போகும். அவர் இனி நடக்கும் தனது மாநாட்டுக்கு இவர்களை வியூகம் வகுத்து தர அழைத்தாலும் ஆச்சரியப்படுவதற்கில்லை. வந்தவர்கள் கண்டிப்பாக ஐவேளை ஜமாத்துடன் தொழுதே ஆகவேண்டும் என்ற கடமை உணர்வு... ஆசிரியர் எடுத்து எழுதியிருப்பது முற்றிலும் சத்தியமானது.

நோட்டிஸ் விநியோகித்தவர்கள் இவ்வளவு செலவு செய்திருக்க தேவை இல்லை. 7ம் திகதி கூடிய சுமார் 300 பேர் கொண்ட உலமாக்கள் சபைக்கு சென்று அவர்கள் கோரிக்கைகளை வைத்திருந்தால் விடை கிடைத்திருக்கும். கை புண்ணை பார்க்க கண்ணாடி தேடி இருக்கிறார்கள். ஒரு நிபந்தனை, இந்த கேள்விகளுடன் உலமாக்கள் சென்று உலமாக்களை சந்தித்திருக்கவேண்டும்.ஏதோ நோட்டிஸ் பிரியர்கள் நோட்டிஸ் வெளியிட்டு தங்கள் அற்ப ஆசையை தீர்த்துக் கொண்டார்கள் என்றே மக்கள் நினைக்கிறார்கள். அந்த வகையிலும் இந்த இஜ்திமாவின் வெற்றிக்கு அவர்களும் உதவி இருக்கிறார்கள். அல்லாஹ் எல்லோர் உள்ளங்களிலும் ஈமானின் ஜோதியை பிரகாசிக்க செய்வானாக

." தப்பத் யதா அபூ லஹப்" என்ற சூராவை ஒரு சஹாபி அடிக்கடி ஓதுவதை கேட்ட நபியவர்கள். அவரை கூப்பிட்டு, சகோதரரே, குர் ஆனில் எத்தனையோ சூராக்கள் இருக்கிறதே அதை விட்டு விட்டு இந்த சூராவையே ஒதுகின்றீர்களே எனக்கு மன சங்கடமாக இருக்கிறது, என்ன செய்வது என்று சொன்னார்களாம் காருன்ய நபிகள் நாயகம். பகைவர்க்கும் அருள்வாய் நன் நெஞ்சே என்று சற்குணம் பொற் குணம் கொண்ட நாயகத்தின் மீது அதிகம் அதிகம் சலவாத் சொல்வோம். யாராயிருந்தாலும் நாம் எல்லோரும் அவர்கள் உம்மத் அல்லவா என்ற எண்ணம் மேலோங்கி நிற்க, எல்லோருக்கும் அல்லாஹ் ஹிதாயத்தை கொடுப்பானாக. ஆமீன்.

Moderator: Comment edited!