IP: 2.*.*.* Saudi Arabia

தலைப்பை மாற்ற வேண்டும்.. காவல்காரனா..!! இவனா(ளா)..!

இந்த பூனைகள் பண்ணும் அநியாயம் கொஞ்சமா..?

* வீடுகளில் கோழி வளர்க்க முடிவதில்லை, ஏன் வாங்கிட்டு வந்த கோழியை தோட்டத்தில் விட்டுவிட்டு, அறுப்பதற்கு கத்தியை எடுத்து வருவதற்குள் அதை அடித்து தூக்கிக்கொண்டு சென்று விடுகிறது.

* கழுவி வைத்த மீனை சற்று திரும்புவதற்குள், சமையல் கட்டுக்கே வந்து ஆட்டையை போட்டுவிடுகிறது, அதுவும் சாளை மீனை விட்டுவிட்டு, சபருக்கு வந்துள்ள மருமகனுக்கு வாங்கி வைத்த துண்டு மீனை பார்த்து தூக்கி விடும்.

* ஆசையாக வளர்த்த முயலை கொன்று இரத்தம் குடிக்கும் கொடூரன், தன்னை விட மூன்று மடங்கு பருத்த முயலை அடித்து தோட்டத்து சுவர் மேல் எப்படி தான் தூக்கி சென்றதோ..அவ்வளவு பலசாலி.

* இரவிலோ தூங்க விடாமல் காம சப்தங்களும், குழந்தைகள் அழும் சப்தங்களும்.. பெரும் தொல்லை.

இவர்களை கட்டுப்படுத்தவோ, விரட்டவோ மிகவும் சிரமம். இதன் தொல்லைகள் அதிகம் சென்றதால் ஒரு விரக்த்தியில் இருந்தோம்.

ஒரு நாள் வந்தது, தோட்டத்தில் உள்ள அறையில் வசமாக மாட்டியது. ஆயுதங்களை எடுத்து ஆயத்தமானோம். இன்றுடன் தொல்லைகள் விட்டது. பலரும் பல ஆலோசனைகள் சொன்னார்கள், கூடுதலாக... அடைத்த அறையில் அதற்க்கு கூடுதல் புலி பலம் உண்டாம்.!

கதவை திறக்க எத்தனிக்கையில், ஒரு அம்மணியின் குரல்..

" பூனையை அடிக்காதீங்கப்பா..! யார் அடிக்கின்றார்களோ அவர்களுக்கு குழந்தை ஊமையாக பிறக்குமாம்.."

போட்டாங்கப்பா ஒரு பயத்துடன் கூடிய செண்டிமெண்ட். அப்புறம் என்ன.. யார் துணிச்சலுடன் அடிக்க...!?

திறந்து விட்டுவிட்டோம்.

ஒன்றும் அறியாதது போல, ஒரு பரபரப்பே இல்லாமால், சர்வ சாதாரணமாக வெளியில் மெதுவாக சென்றது,.

தூரத்தில் சென்றதும், எங்களை பார்த்து ஒரு நக்கல் பார்வை பார்த்தது.. அதில் " நாங்க அப்பவே.. அப்படி.." என்று சொன்னது புரிந்தது.