IP: 116.*.*.* India

இவ்விணைய தளத்தில் வெளிவந்துள்ள ஷூஐப் காக்கா அவர்களின் முத்தாய்ப்பான முதல் கட்டுரை மிகவும் அருமை ... சிந்திக்க தூண்டுபவை !

முன்னொரு காலத்தில் "பணத்தைத் தண்ணீயா செலவழிக்காதே!” என்பார்கள் ஆனால் இன்று அந்த தண்ணீருக்காக பணத்தைத் தண்ணீயா செலவழிக்கும் கொடுமை. செய்தித்தாள் என்று எந்த ஊடகங்களை புரட்டினாலும் 'தலைவிரித்தாடும் குடி தண்ணீர் பிரச்சனை' பற்றிய செய்தி தான்.

பல நாடுகளில் தங்களின் ஆதிக்கத்தையும், மூலதனச் சுரண்டலையும் மூர்க்கத்தனமாக நடத்தி வரும் பன்னாட்டு நிறுவனங்களின் தண்ணீரில் (ex: பிஸ்லரி, பெய்லி, அக்வாஃபினா) ஆர்கட்னா குளோரின், ஆர்கட்னா பாஸ்பரஸ் என்ற பூச்சிக் கொல்லி நச்சுகள் கலந்திருந்தது கண்டறியப்பட்டது. எவரும் இதனை பொருட்படுத்துவதே இல்லை. நீண்ட நேர பயணத்தின் போது வீட்டிலிருந்து தண்ணிரை எடுத்து செல்வதை விட ' நாங்கெல்லாம் மினரல் வாட்டர் தான் குடிப்போம்' என்ற பவுசை காட்டியதன் விளைவு தான் இது!

நீர் வழங்கல் மட்டுமின்றி வேறு எந்தத் துறையானாலும் அரசால் தரமான உருப்படியான சேவையை அளிக்க முடியாது. 'தனியார்' என்றால் அதில் ஒரு 'கார்ப்பரேட் தரம்' இருக்கும் என்று தனியார்மயதாசர்களின் பிரச்சாரம் வேறு. மைசூர் / மங்களூர் மாநகராட்சியின் குடிநீர் வழங்கல் டாடாவின் ஜஸ்கோவிடம் & வியோலியா என்கிற ப்ரெஞ்சு நிறுவனங்களிடம் ஒப்படைக்கப்பட்டுள்ளது. காசு உள்ளவனுக்கே தண்ணீர் என்ற அவல நிலமை !

டாஸ்மார்க் - கில் எவ்வித தங்கு தடையின்றி 'அந்த தண்ணீ' கிடைத்திட கவனம் செலுத்தும் நம் அரசு, பொது மக்களின் அன்றாட குடிநீர் விசயத்திலும் அதீத கவனம் செலுத்த வேண்டும்.

தண்ணீரை வியாபார மாக்கி சுரண்டி கொழுக்கும் முதலைகளை அப்புறப்படுத்த வேண்டும் . தண்ணீரைத் தனியார் முதலாளிகளுக்குத் & பன்னாட்டு நிறுவனங்களுக்கு தாரைவார்க்கக் கூடாது. நீர் பொதுவானதாகப் பாதுகாக்கப்பட வேண்டும். நல்ல நீருக்கான மாற்று ஆதாரங்கள் (மழை நீரைத் தேக்கி வைத்தல், கடல்நீரை சுத்திகரித்தல், நீரை மறு சுழற்சி செய்தல்) உருவாக்கப்பட / நடைமுறை படுத்தபட வேண்டும்.