IP: 222.*.*.* China

பழைய நினைவலைகள் . இளம் வயதில் ஊரில் இருந்த நாட்கள் நினைவுக்கு வருகிறது .

[ பிற்பத்துகளில் அமல்களும் கூடும் அதே நேரம் அட்டகாசங்களும் கூடும். ].

கட்டுரையாளர் சொன்ன அட்டகாசங்கள் வேறு , சமீப காலமாக நடக்கும் அட்டகாசங்கள் வேறு . தமாம் சாப்பாடு என்ற பெயரில் நடக்கும் வியாபாரம் . என்னங்க , அதுதான் பிறை 29 இல் தமாம் சாப்பாடு தராங்களே என்றால் , அது ஆம்பிளைங்க வாயிலதானே படும் , பெண்களுக்கும் அதுபோன்ற சாப்பாடு வாயில படணும்னுதான் இதை செய்யுறோம் என்று ஒரு கனிவான பதில் .

ஒவ்வொரு ஏரியாவிலும் ஒரு கும்பல் வெவ்வேறு நாட்களில் இந்த வியாபாரத்தை நடத்துவார்கள் . இவர்களும் அமல்கள் செய்ய மாட்டார்கள் , சாப்பாட்டுக்காக பணம் செலுத்தியவர்களையும் அமல் செய்ய விட மாட்டார்கள் . ஏனெனில் இவர்கள் சொல்லும் நேரத்தில் சாப்பாடு வாங்க போகவேண்டும் . அமல் செய்வதா அல்லது சாப்பாட்டுக்காக கியூவில் நிற்பதா ?

மத்திய காயலில் , ஒரு பள்ளியில் , ஒருசிலர் , 27 ம் இரவில் இந்த வியாபாரத்தை செய்து கொண்டிருந்தார்கள் . இதனால் பள்ளியில் இறைவனிடம் மன்றாடிகொண்டிருக்கும் அந்த முக்கியமான இரவில் , கூச்சல் குழப்பம் , அமல் செய்வதற்கு இடைஞ்சல் ஏற்பட்டதால் அவர்கள் இந்த வியாபாரத்தை பள்ளியில் செய்யகூடாது என்று சொன்னதால் , அதே வியாபாரம் வெளியில் வைத்து ஜோராக நடக்கிறது .

என்னங்க , இப்படி ஒரு புனிதமான இரவில் இப்படி சாப்பாடு கொடுக்குறீங்களே , நாங்கள் அமல்கள் செய்வதா அல்லது உங்கள் சாப்பாட்டுக்காக வரிசையில் நின்று இந்த புனித இரவை பாழடிப்பதா என்று கேட்டால் , வீட்டில் இருந்து " யாராவது ஒருவரை " அனுப்பி வையுங்கள் என்று சொல்வார்கள் . அந்த " யாராவது ஒருவர் " அவரும் அமல் செய்ய வேண்டாமா ?

இந்த வியாபாரிகளும் அமல்கள் செய்ய மாட்டார்கள் , அடுத்தவர்களையும் அமல்கள் செய்ய விட மாட்டார்கள் . இதுதான் உண்மை .

என்று திருந்தும் இந்த வியாபார கூட்டம் ?

[ தயவு செய்து யார் மனதையும் காயப்படுத்தியதாக நினைக்க வேண்டாம் . ஊரில் நடக்கும் சமூக அவலங்களைத்தான் சுட்டி காட்டினேன் ]