IP: 37.*.*.* Saudi Arabia

ஒரு மரண செய்தி வந்தால், அந்த செய்திக்கு பதியப்படும் கருத்துக்களை நான் உன்னிப்பாக படித்து பார்ப்பேன். உடனே இந்த ஹதீஸ் தான் என் மனதில் ஓடும்.

----------------------------------------------

ஹதீஸ் எண் 1367. அனஸ்(ரலி) அறிவித்தார்கள்.

ஒரு முறை, மக்கள் ஒரு ஜனாஸாவைக் கடந்து சென்றபோது, இறந்தவரின் நற்பண்புகளைப் பற்றிப் புகழ்ந்து பேசினார்கள். அப்போது நபி(ஸல்) அவர்கள், 'உறுதியாகிவிட்டது" என்றார்கள்.

மற்றொரு முறை வேறொரு (ஜனாஸாவைக்) கடந்து சென்றபோது மக்கள் அதன் தீய பண்புகளைப் பற்றி இகழ்ந்து பேசலாயினர். அப்போதும் நபி(ஸல்) அவர்கள், 'உறுதியாகிவிட்டது?' எனக் கூறினார்கள்.

உமர்(ரலி) 'எது உறுதியாகிவிட்டது?' எனக் கேட்டதும் நபி(ஸல்) அவர்கள், 'இவர் விஷயத்தில் நல்லதைக் கூறிப் புகழ்ந்தீர்கள்; எனவே அவருக்கு சொர்க்கம் உறுதியாகிவிட்டது. இவர் விஷயத்தில் தீயதைக் கூறினீர்கள். எனவே இவருக்கு நரகம் உறுதியாகிவிட்டது. ஆக நீங்களே பூமியில் அல்லாஹ்வின் சாட்சிகளாகவீர்கள்" எனக் கூறினார்கள்.

------------------------------------------------------

இவர்களின் மரண செய்திக்கு எவ்வளவு அருமையான கருத்து பதிவுகள்.

இன்ஷா அல்லாஹ், மறைந்த முன்னாள் இமாம் அவர்களுக்கு வல்ல அல்லாஹ் சுவனத்தை அருள்வானாக.