IP: 117.*.*.* India

பழகிய யாராலும் எளிதில் மறக்கவியலாத ஓர் ஆத்மாதான் ஜெயக்கொடி சார் அவர்கள்.

தொலைதொடர்புச் சேவையில் அவரது இன்முகத்துடன் கூடிய வேகமான செயல்பாடுகள் குறித்து இச்செய்தியின் கீழ் பலரும் கருத்துக்களைப் பதிவு செய்துள்ளனர். அவற்றையே நானும் வழிமொழிகிறேன்.

பொதுவாக, அரசு அலுவலகங்கள் என்றாலே அங்கே சர்ச்சைகளுக்கும், சண்டைகளுக்கும் பஞ்சமேயிருக்காது. ஆனால், “டெலிஃபோன் எக்ஸ்சேஞ்சில் பிரச்சினையாம்” என்று யாரும் கூற இதுவரை நான் கேள்வியுற்றதில்லை.

திரு. நம்பிராஜன் சார் அவர்களும் ஜெயக்கொடி சார் அவர்களைப் போலவே இன்முகத்துடன் பணியாற்றியவர் என்றாலும், மக்கள் தொடர்பு பெரும்பாலும் ஜெயக்கொடி சார் அவர்கள் வசமே இருந்த காரணத்தால், நம்பிராஜன் சார் அவர்களின் நற்குணம் இதுவரை வெளியில் முழுமையாகத் தெரியாதிருந்தது. இனி அதுவும் தெரிய வரும்.

நம்பிராஜன் சார் அவர்கள் இன்னும் ஈராண்டுகளில் பணி நிறைவு வயதையடையவுள்ளார்கள். அவர்களது குறைவில்லா சேவைகள் இறுதி வரை திறம்பட தொடர்ந்திட வாழ்த்துகிறேன்.

ஜெயக்கொடி சார்...! தங்களுக்கு பதவி உயர்வு என்றவுடன் - அது தங்களுக்கு மகிழ்ச்சி என்ற ஒரே காரணத்திற்காகவே நானும் மகிழ்வுடன் ஏற்றுக்கொள்கிறேன். மற்றபடி, எங்கள் ஊர் அலுவலகத்திலிருந்து நீங்கள் பிரிந்து வேறிடம் செல்வதை ஏனோ எங்கள் மனம் ஏற்க மறுக்கிறது. அதற்காக.......? தங்களுக்கு வயதோ 45. இன்னும் பல ஆண்டுகள் பணியாற்ற வயதுள்ளவர்கள் தாங்கள்.

தங்கள் இன்முகச் சேவைக்கு பலனாக இன்னும் பல பதவி உயர்வுகள் தங்களைத் தேடி வர வேண்டும். தேசிய அளவில் மிகப்பெரும் பொறுப்பு வரை தாங்கள் உயர வேண்டும். உங்கள் வளர்ச்சியை நமதூர் மக்கள் தலை உயர்த்திப் பார்க்க வேண்டும்.

அதற்கு எல்லாம்வல்ல இறைவன் தங்களுக்கு நீண்ட ஆயுள், நல்ல உடல்நலம் ஆகியவற்றைத் தந்தருள்வானாக...

ஒரு சின்ன ஆசை...! தாங்கள் இப்போது பெற்றிருக்கும் புதிய பொறுப்பிற்கும், காயல்பட்டினம் தொலைதொடர்பு நிலையத்திலேயே பணியிடம் விரைவில் அமையப்பெற்று, பெற்ற பதவி உயர்வுடனேயே மீண்டும் நமதூரில் தாங்கள் பணி செய்தால்.............???