IP: 2.*.*.* Saudi Arabia

**************************************
* இது என்னுடைய 1000 ஆவது கமெண்ட்ஸ் *
***************************************

உயர் திரு ஜெயக்கொடி அவர்களின் பதவி உயர்வை அறிந்து சந்தோசத்துடன் கூடிய கவலை உண்டானது. அவர்கள் வாழ்வில் பல உயர்வுகளை அடையும் செய்தி சந்தோசத்தையும், காயலை விட்டு ஒரு நல்ல அதிகாரி செல்லுகின்றாரே என்ற கவலையும் ஒருசேர வருகின்றது.

பல பல வருடங்களுக்கு முன்பு, இன்டர்நெட் வேலை செய்யவில்லை என்று மனைவியிடம் வினவியதும், எஞ்சினியர் ஜெயக்கொடி அவர்களுக்கு போன் போடுங்கோ என்று ஒரு நம்பரை தந்தார்கள். பெயரை பார்த்ததும் ஒரு பெண்மணி தான் என்று மிகுந்த எதிர்பார்ப்புடன் அழைத்தேன், வந்த குரலோ ஆண் குரல்.

விசாரித்தார், ஆள் அனுப்புவதாக சொன்னார், சரி ஆள் வர எப்படியும் நாட்கள் ஆகும் (அரசாங்க வேலை என்றால் இது தானே எதார்த்தம்) என்று வெளியில் செல்ல பைக்கை எடுக்க சென்றேன், வீட்டின் அழைப்பு மணி அடித்தது, வெளியில் BSNL ஆள். என்னை நானே கிள்ளிப்பார்த்துக் கொண்டேன்.

மனைவியிடம் விவரித்தேன் இந்த அதிசயத்தை. அம்மணியோ கூலாக ஜெயக்கொடி ஐயாவிடம் (இந்த ஐயா என்பதை முன்பே கூறி இருந்தால் ஒரு எதிர்பார்ப்பு மிச்சமாகி இருக்கும்) ஒரு போன் பண்ணினால், அனைத்தும் உடனடியாக தீர்க்கப்படும் என்றார்கள், நம்பிக்கையுடன். சபாஸ்..சபாஸ். இந்த மாதிரியான நம்பிக்கை அனைத்து துறைகளிலும் அமைந்தால் எவ்வளவு நன்றாக இருக்கும்.

ஜெயக்கொடி ஐயா அவர்கள் தன் வாழ்வில் அனைத்து உயர்வுகளையும் பெற்று, நிம்மதியான வாழ்வு வாழ வாழ்த்துகின்றேன்.

ஐயா நம்பி ராஜன் அவர்களும் மக்களின் மனதில் இடம்பிடிக்க வாழ்த்துகின்றேன்.

- இன்டர்நெட் என்ன பிரச்சனை என்கின்றீர்களா? அதான் காக்கை உட்கார பனம்பழம் விழுந்த கதை, காக்கை டெலிபோன் வயரில் உட்கார, இன்டர்நெட் டவுன் ஆனா கதையாக மாறி விட்டது.

சாளை S.I.ஜியாவுத்தீன், அல்கோபார்

[Administrator: ஆயிரம் கமெண்டுகள் கண்ட சாளை ஜியாவுதீன் அவர்களுக்கு வாழ்த்துக்கள் கலந்த நன்றி :-) ]