IP: 117.*.*.* India

யார் என்ன சொன்னாலும் யார் எப்படி நோன்பு வைத்தாலும் எப்படி பெருநாள் கொண்டாடினாலும் அவற்றை அங்கீகரிப்பதும் நிராகரிப்பதும் அல்லாஹ்வின் கையில் உள்ளது என்பதை இந்த மூன்று சாராரும் உணராமல் இல்லை.

நபிகள் நாயகம் சொன்ன மிக இலகுவான வழி பிறை கண்டு நோன்பு வைப்பது, பிறை கண்டு பெருநாள் கொண்டாடுவது. அரபு நாடுகளிலும் இந்த முறைதான் அனுஷ்டிக்கப்படுகிறது என்பதை இந்த வருடம் நோன்பு பிறை பற்றி பத்வா கொடுத்திருந்த சட்ட மேதைகளின் குறிப்பு இதே இணையத்தளத்தில் வெளியாகியுள்ளது. அல்ஹம்து லில்லாஹ்.

நபிகள் நாயகம் அவர்கள் ஒருமுறை சஹாபாக்களை அழைத்து வைத்துக்கொண்டு சொன்னார்கள். உங்களுக்கு தொழுகையை விட நோன்பை விட, ஹஜ்ஜை விட தான தருமங்கள் செய்வதைவிட அதிகம் நன்மை தரும் விஷயத்தை உங்களுக்கு நான் அறிவிக்கவா? என்றார்கள். அவசியம் அறிவியுங்கள் நாயகமே என்று நபி தோழர்கள் சொன்னபோது, "நீங்கள் ஒற்றுமையாக இருங்கள், சிறு சிறு கருத்து வேறுபாடுகளால் பிரிந்து விடாதீர்கள்.இதுவே மற்றெல்லா அமல்களைவிடவும் சால சிறந்தது என்றார்கள். விளக்கம் தெரிந்துகொள்ள அவரவர்கள் பின்பற்றும் உலமா பெருமக்களை கேட்டு தெரிந்து கொள்ளலாம்.

அல்லாஹ் எல்லோருடைய நோன்பையும் ஏற்றுக்கொண்டு எல்லோருடைய பாவங்களையும் மன்னித்து எல்லோருக்கும் மேலான சுவர்க்க வாழ்வை நசீபாக்கி வைப்பானாக நான் பெரியவன் நான் செய்வதுதான் சரி என்று யார் யார் நினைக்கிறார்களோ அவர்கள் அல்லாஹ்வின் சந்நிதானத்தில் நிறுத்தப்படும்போது அவரவர்கள் அமலே அவர்களுக்கு போதுமானதாக இருக்காது. அல்லாஹ்வின் ரஹ்மத் மட்டுமே முன் வந்து நம்மை சொர்க்கத்தில் புக செய்யும் இந்த உண்மையை நாம் எல்லோரும் உணர்ந்து செயல்படுவதற்கு அல்லாஹ் தவ்பீக் செய்வானாக.ஈத் முபாரக்