IP: 113.*.*.* China

ஊர் பெரிதாகிவிட்டது. மக்கள் தொகை அதிகரித்து விட்டது. எனவே திருமணத்திற்கு அழைப்பவர்களின் எண்ணிக்கையும் அதிகரித்து விட்டது. நம் ஊரில் இவ்வாறு தெருவை அடைப்பது இன்று நேற்று நடப்பதல்ல. காலங்காலமாக நடைபெற்று வருகிறது. அப்போது குறைந்த வழிப்போக்கர்கள். அவர்கள் பொருட்படுத்தவில்லை. எனவே இடையூறாக தெரியவில்லை. இப்போதோ அதிகமான வழிப்போக்கர்கள். அதிகம் பேருக்கு இடையூறாக தெரிகிறது.


முன்பு குறைந்த மக்கள் தொகை, குறைந்த அழைப்பாளர்கள். அதிக வெட்டை வெளிகள். எனவே வீட்டு மாடிகள் மற்றும் அருகாமையில் உள்ள வெட்டை வெளிகளை பயன்படுத்தியும் , சிலர் குறுகிய நேரத்திற்கு ரோட்டை அடைத்தும் தங்கள் திருமண நிகழ்சிகளை முடித்துக்கொண்டனர்.

தற்போது நேர் எதிர்மறை. அதிக மக்கள் தொகை. அதிக அழைப்பாளர்கள். குறைந்த வெட்டை வெளிகள். நெருக்கடி நிறைந்த சாலைகள். அதிக நேரம் அடைக்க வேண்டிய சூழ்நிலை. அதனால் அதிக மக்களின் பொல்லாப்பு. இதுதான் காரணம்.

முன்பு திருமணங்களில், நிகாஹ் நிகழ்ச்சியில் பெரும்பாலானவர்களுக்கு பொட்டலம் போடும் பழக்கமும், குறைந்த எண்ணிக்கையிலான மிக நெருங்கிய சொந்தங்களுக்கு மட்டுமே விருந்துண்ணவும் அழைப்பு இருக்கும். இப்போது பெரும்பாலான திருமணங்களில் பொட்டலம் போடும் பழக்கம் முற்றிலுமாக நின்று, அனைவருக்கும் நிகாஹ் முடிந்த கையோடு சாப்பாடு.. விளைவு, அதிக இடநெருக்கடி. பெரும் பணச்செலவு.

முன்பு 500 பேர்வரை விருந்து பரிமாறும் தகுதிபடைத்த திருமணங்கள், இப்போது 4000/ 5000 பேர்வரை அழைக்கும் நிலை. இவைகள்தான் இட / பண நெருக்கடிக்கு காரணங்கள்.

ஒரு சகோதரர் குறிப்பிட்டதுபோல, உள்ளூர் வெளியூர் மக்கள் என திருமண வீட்டார் பாகுபாடு பார்ப்பதில்லை. வெளியூர் நபர்களுக்கு நம் ஊரின் (இருவர் / மூவர் ஒரே தாளத்தில் அமர்ந்து சாப்பிடும்) சூழல் பழக்கமிருக்காது என்பதால், அந்த ஏற்பாடு. மேலும் உள்ளூர்/ வெளியூர் மக்கள் சாப்பாட்டில் ஏற்படும் கூட்டு (பங்கு சேருதல்) மாற்றம் காரணமாகவும் இந்த நிலைமை. இது பாகுபாடு காரணமாக அல்ல.

மக்கட்தொகை / விருந்தாளிகளின் அதிகரிப்பின் காரணமாக, நம் பள்ளிவாசல்கள் இந்த அதிக எண்ணிக்கையிலான விருந்துண்ணுபவர்களை கையாள முடியாத நிலை. இதன் காரணமாக மிகுதியான திருமணங்கள் பள்ளிவாசலில் தற்போது நடைபெறுவதில்லை.

இதற்க்கு மாற்றுவழி திருமண மண்டபங்கள்தான். நமது ஊரில் போதிய எண்ணிக்கையில் நடுத்தர திருமணம் மண்டபங்கள் இல்லை. தற்போதுள்ள திருமண மண்டபங்களில் நடக்கும் திருமணங்களில் , அதிக அளவு நபர்கள் கையாளக் கூடியதாக இருக்கிறது. நடு வர்கத்தினருக்கு இது உகந்ததாக இல்லை. காரணம் அழையா விருந்தாளிகளும் அதிகம் வருகை புரிவாதால், அதிக சாப்பாட்டுச் செலவாகிறது. எனவே செல்வந்தர்கள் முன்னுதாரணமாக குறைந்த செலவில் திருமணங்கள் நடத்தி, எளியவர்களுக்கு வழிகாட்ட வேண்டும். அதைபார்த்து எளியவர்களும் வெட்கப்படாமல் சுருக்கமாக திருமணங்களை நடத்த முனைவர்.

முடிந்தவரை , பள்ளிவாசல்களிலும், நிகாஹ் மஜ்லிஸ்களிலும் திருமண வைபவங்களை நடத்தி முடிக்க வேண்டும். திருமணத்திற்காக வீதிகளை அடைப்பதை தடை செய்ய வேண்டும்.

எல்லாவற்றிற்கும் நாம் ஆலிம்களை இழுக்கக்கூடாது. ஆலிம்களை நாம் குறை சொல்லக்கூடாது. ஏனெனில் அவசியமான மார்க்க விஷயங்களுக்கே நாம் அவர்களை மதித்து அழைப்பதில்லையே!