IP: 117.*.*.* India

அஸ்ஸலாமு அலைக்கும் (வரஹ்).

“ பிரதானமான தொழில்களில் ஒன்று நிலவிற்பனை “ என்று சொல்வதே “ பிரமாதமாகத்தான் “ இருக்கிறது.

“ செயற்கையாக விலைகள் உயர்த்தப்படுகின்றன “ – என்பது நூற்றுக்கு நூறு உண்மை. இந்த செயற்கையான விலைகள் உயர்வு இப்பொழுது தளர்வாகி கொண்டிருக்கிறது.

முன்பு ஒரு நிலத்தை 4 இலட்சத்துக்கு வாங்கினால் 1, 2 வருடம் கழித்து விற்க வேண்டும் என்றால் 6 , 7 என்று விற்பனையாகும் - மிக, மிக குறைந்தது 5 இலட்சத்துக்கு போகும். ஆனால் இன்று செயற்கையான விலை ஏற்றத்தின் காரணமாக அவசியத்திற்கு விற்க முடியாது , அப்படி விற்க முயன்றால் 4 க்கு கீழதான் விலை போகும் அசல் கிடைக்காது. ஒரு சில இடம் வேண்டுமானால் விதிவிலக்காக இருக்கலாம்.

-------------------------------------------

நாம் வாங்கும் நிலம் அரசுக்கு சொந்தமா ? இல்லை அடுத்தவருக்கு சொந்தமா ? என்பதையெல்லாம் - நிலத்தை வாங்கும் முன்பே EC , DC, CC , BC என்று ZC வரை எல்லா C யும் பார்த்து வில்லங்க சர்டிஃபிகேட் எடுத்துப்பார்த்த பிறகுதான் ரெஜிஸ்டர் செய்கிறார்கள்.

அப்படி பார்த்து வாங்கியும் அதில் வில்லங்கம் இருக்கு, அரசுக்கு சொந்தமான நிலமாக இருக்கு என்றால் அதில் நிச்சயமாக ஊழல், அயோக்கியத்தனம், பித்தலாட்டம் எல்லாம் ஒன்று கூடி செயல்பட்டிருக்குது என்பது தெளிவாகும்.

அரசு நிலத்தை பிளாட் போடுகிறார்கள் என்றால் அரசு அதிகாரிகள் உறங்கிக்கொண்டு இருக்கிறார்கள் – அல்லது ஊழலுக்கு ஒத்துப்போகிறார்கள் என்பது நிதர்சனமான உண்மை.

---------------------------------------------------------

“ காயல்பட்டினம் எல்லைக்குள் சுமார் 2000 க்கும் மேற்பட்ட நிலங்கள் - அரசு நிலங்கள் என குறியிடப்பட்டுள்ளன “ என்ற செய்தியை படிக்கும்போது சிரிப்புத்தான் வருகிறது – காரணம் காயல்பட்டணம் நகராட்சியை பொருத்தவரை எந்தவிதமான தஸ்தாவேஜுகளும் முறையாக செயல்படுத்தப்படுவதில்லை – அவைகளை முறைப்படி செயல்படுத்தக்கூடிய எந்த அதிகாரியும் நம் நகராட்சியில் இல்லை என்றே சொல்லலாம்.

அங்கே பொறுப்பில் இருக்கக்கூடிய அதிகாரிகள் – கடமையுணர்வுடன் நடப்பதற்கு எது தடைகல்லாக இருக்கிறது என்பது புலப்படவில்லை. ஆனால் ஒன்று மட்டும் என்னால் சொல்லமுடியும் – அவர்கள் எங்கு மாற்றலாகி சென்றாலும் அவர்கள் இங்கே பொறுப்பற்று ஆற்றிய பணிக்கு தண்டனை அடைந்தே தீர்வார்கள் என்பது – எதை மையமாக வைத்து சொல்கிறேன் என்பது பொறுப்பில் இருக்கும் அந்த அதிகாரிகளுக்கு நன்றாக தெரியும்.

---------------------------------------------------------

அரசு நிலங்கள் / இதர நிலங்கள் சர்வே எண்கள் குறிப்பிடப்பட்டிருக்கிறதே இதில் அரசு நிலங்கள் என்று கூறப்படுகிற சர்வேகள் கூட பிரச்சனைக்குரியதுதான் என்பது எத்தனை பேர்களுக்கு தெரியும்?

நம்முடைய நகராட்சி நிர்வாகம் சீரானால் அரசு நிலங்கள் வீண்போகாது – அரசு நிலங்களை தன் அப்பன், பாட்டன் சொத்து என்று விற்றுத்திண்ணும் அயோக்கிய கூட்டங்களும் தலை தூக்காது.

----------------------------------------------------------

இறைவனுக்கு உண்மையாகவே பயந்தவர்கள் – மறுமையிலே அபகரிக்கபட்ட பூமியை தன் கழுத்திலே சுமந்து வரவேண்டுமே என்ற பயம் உள்ளவர்கள் - அரசாங்கத்துக்கோ , அடுத்தவருக்கோ சொந்தமான எந்த ஒரு நிலத்தையும் அது ஓர் அடி அல்ல ஓர் அங்குலம் என்றாலும் கூட அபகரிக்க மாட்டார்கள்.

ஆகவே நிலங்களை வாங்குபவர்களும், விற்பவர்களும் மற்றும் நில புரோக்கர்களும் இறைவனுக்கு பயந்து செயல்படுங்கள் – இறைவனுடைய தண்டனை மறுமையில் மட்டுமல்ல இம்மையிலும் இன்று பரவலாக கிடைத்துக்கொண்டிருக்கிறது என்பதை நாம் கண்கூடாக காண்கின்றோம்.

அடுத்தவர் பொருளை அபகரித்தவர்களின் வாரிசுகள் எந்த கோணத்தில் வளர்கிறார்கள் – அபகரித்தவர்கள், அவர்களின் துணைகள் மற்றும் வாரிசுகள் அனுபவிக்கும் துண்பங்கள், நோய்கள் என்ன என்பதை நாம் கண்கூடாக காண்கிறோம் இதெல்லாம் இம்மையில் கிடைக்கும் அற்ப தண்டைனையே – மறுமையில் கிடைக்க இருக்கும் தண்டனை எப்படி என்பதை கற்பனை செய்து பாருங்கள்.

தவறு செய்தவர்கள் அதற்கான பரிகாரங்களை செய்து மறுமையில் கிடைக்கக்கூடிய தண்டனையிலிருந்து தப்பிக்க வழித்தேடுங்கள்.

வஸ்ஸலாம்.