IP: 117.*.*.* India

அஸ்ஸலாமு அலைக்கும் (வரஹ்).

மாணவர்களுக்கான ஆளுமைத் திறன் வழிகாட்டு நிகழ்ச்சி நடைபெற்றது மகிழ்ச்சியை அளிக்கிறது – மாணவர்களின் ஆர்வத்தை பார்க்கும்போது சந்தோசம் ஏற்படுகிறது.

தான் கற்றக் கல்வியை பிறருக்கும் கற்றுக்கொடுக்க வேண்டும், இன்றைய மாணவர்களின் ஆளுமைத் திறனை மேம்படுத்த வேண்டும் என்ற நல்ல எண்ணத்தில் தங்களுடைய ஓய்வு நேரத்தில் வந்து, முன்னாள் மாணவர்கள் இப்படியான நிகழ்ச்சிகளில் கலந்துக்கொண்டு விளக்கவுரையாற்றி இருப்பது மெத்த மகிழ்ச்சியை தருகிறது.

---------------------------------

எல்லா பள்ளிக்கூடங்களிலும் இந்த மாதிரியான நிகழ்ச்சிகள் ஒவ்வொரு பள்ளிக்கூடங்களிலும் நடைபெற வேண்டும் மாணவர்கள் முன்னேற்றம் அடைய வேண்டும் என்பதே எமது அவா.

அதற்கான ஏற்பாடுகளை அந்தந்த பள்ளிக்கூட நிர்வாகமும் , முன்னாள் மாணவர்களும் ஒன்றிணைந்து செய்ய வேண்டும். அதற்கு இன்றைய மாணவர்களும் ஆர்வம் கொள்ளவேண்டும்.

----------------------------------

இந்த வருடம் வரலாறு படைக்கும்.

முஹிய்யித்தீன் மெட்ரிக் பள்ளிக்கூடம் ஆரம்பித்தபோது இருந்த நிர்வாக திறமை , மாணவர் – பெற்றோர்களின் ஆர்வம் இடையில் தொய்வு விழுந்திருந்தது. ஆனால் இன்று அல்லாஹ் உதவியால் நிர்வாகம் நல்ல திறனுடனும் , மாணவர்கள் - பெற்றோர்களின் ஆர்வம் முன்பு இருந்ததைவிட மிக பலமாக இருப்பதையும் இன்று காணமுடிகிறது.

ஆசிரியர்கள் மத்தியிலே முன்னேற்றமும் , உற்சாகமும் எழுந்திருக்கிறது. நிர்வாகம் முதியவர்களின் முழு வழிகாட்டுதலில், இளைஞர்களின் பங்களிப்புடன் சீராக, செம்மையாக நடைபெறுவதை அவதானிக்க முடிகிறது.

இந்த வருடம் வரலாறு படைக்கும் அளவிற்கு மாணவ, மாணவிகள் புதிதாக சேர்ந்துள்ளதையும், புதிய ஆசிரியர்கள் சேர்ந்துள்ளதையும் காணமுடிகிறது.

சில குறைகளை நிர்வாகத்திடம் நேரில் தெரிவித்தபோது உடனே, ஒரே நாளில் அதை நிவர்த்தி செய்தது ஆச்சரியத்தை தந்தது – அது பெற்றோர்களுக்கு மகிழ்ச்சியை தந்ததுடன், பாடமாகவும் அமைந்தது.

இதே நிலையில் நிர்வாகம் நடைபெற்றால் இன்ஷா அல்லாஹ்! நமது மாவட்டத்திலேயே முதல் தரமான பள்ளிக்கூடமாக திகழும் என்பதில் ஐய்யமில்லை.

---------------------------------

பெற்றோர்கள் – பிள்ளைப்பாசம்

ஆகவே மக்களே!

எந்த ஒரு பள்ளிக்கூடத்திலும் குறையை கண்டால் நிர்வாகத்திடம் நேரில் தெரிவிக்க வேண்டும் அல்லது எழுத்துமூலமாக அறிவிக்க வேண்டும் – அதல்லாது குறையை மட்டுமே சொல்லிக்கொண்டு இருப்பதில் பிரயோஜனம் இல்லை.

மேலும் பெற்றோர்கள் கண்டிப்பாக மாதத்திற்கு ஒரு முறை பள்ளிக்கூடம் சென்று தங்கள் பிள்ளையின் படிப்பு, நடத்தை பற்றிய விவரங்களை அறிந்து வரவேண்டும். அப்படி செய்தால்தான் “ பெற்றோர்கள் – பிள்ளைப்பாசம் ” மேலோங்கும்.

வஸ்ஸலாம்.