IP: 218.*.*.* China

வட்டி - இஸ்லாத்தில் தடை செய்யப்பட்ட ஒன்று. அதை மறுக்க முடியாது.

வாழ்க்கையில் இது ஒரு sensitive matter .

நம் நாடு இஸ்லாமிய நாடு அல்ல.இங்கு அமைவதும் இஸ்லாமிய அரசு அல்ல . அரசு வழங்கும் கடன்களுக்கு வட்டி வாங்கக்கூடாது என்றால் , எந்த அரசும் கடன் வழங்காது. மற்ற மதத்தினருக்கு என்ன விதியோ , அதுவேதான் இஸ்லாமியருக்கும். வட்டி கொடுக்க மாட்டேன் என்று சொன்னால் கடன் கேட்டு செல்லக்கூடாது. அப்படியானால் நாம் அரசு சலுகைகளை பெற முடியாது.. ஏழைகள் தொழில் உதவிக்கு என்ன செய்வர்? யாரை நாடுவர்? யார் பண உதவி செய்வர்? அரசின் சலுகைகள் நமக்கு கிடைக்காமல் விழலுக்கிரைத்த நீராகிவிடும்.அரசின் திட்டப்படிதான் நாம் வரி (வட்டி ) செலுத்துகிறோம் இஸ்லாமிய அரசு இல்லாத ஒரு நாட்டில். 6% என்பது ஒரு ஒழுங்குமுறை கட்டணம்தான் . சேவை கட்டணம் என்று சொல்லலாம்.வரி என்று கூட சொல்லலாம். அபராதம் என்றுகூட சொல்ல முடியும்.

வாழ்க்கையில் நாம் பல இடங்களில் வட்டியை சந்திக்கிறோம். வங்கிகளில் சேவிங்க்ஸ் கணக்குகளுக்கும் வைப்புதொகைகளுக்கும் வட்டி வரவு வைக்கப்படுகிறது.. இதில் நமக்கு உடன்பாடில்லை என்றால் , நாம் கணக்கெடுத்து , சதகா கொடுத்து விடுகிறோம். பல விஷயங்களில் தாமதமாக செலுத்தும் கட்டணங்களுக்கு அபராதமாக வட்டி கொடுக்கிறோம். மின்சார கட்டணம், டெலிபோன் கட்டணம் , இன்னும் பல அரசு வரி முறைகள் . விற்பனை வரி, வருமான வரி.சொத்து வரி, நம்மை அறியாமலேயே தாமதமாக செலுத்த நேரிடுகிறது. விலைவு . தண்டத்தொகை. கூடுதல் வட்டி, அபராதம். இவைகளை நாம் எவ்வாறு தவிர்ப்பது? எப்படி நாம் விலகுவது.? செலுதித்தானே ஆகவேண்டியதிருக்கிறது! அதுபோன்றுதான் இதுவும்.

2013 ல் ரூபாய் 1 லட்சம் பெறுகிறோம். 5 வருடம் உபயோகிக்கிறோம் . 2018 ம் வருடம் திருப்பிசெலுத்துகிரோம். வட்டி கொடுக்க முடியாது என்றால் , எப்படி நமக்கு அரசு கடன் கொடுக்கும்? 2013ம் ஆண்டு அந்த ரூபாய் 1 லட்சத்தின் மதிப்பென்ன? 2018 ம் ஆண்டு நாம் திருப்பிசெலுத்தும்போது அதன் மதிப்பென்ன? ஒரே மதிப்பா? இல்லையே! குறைந்த மதிப்பு. ரூபாய் மதிப்பில் சரிவு. எனவே நாம் செலுத்தும் இந்த ஒழுங்குமுறை (வட்டி ) கட்டணத்தை , ரூபாய் தேய்மான கட்டணம் என்றுகூட நாம் சொல்லமுடியும்.Compensation for rupee depreciation. இதைதான் நாம் வட்டி என்ற பெயரில் செலுத்துகிறோம்.வட்டி என்று சொல்லாமல் வேறுபெயரில் நாம் அழைத்தால் அது கூடுமானதாக ஆகுமா?

ஒரு முஸ்லிம் பிற முஸ்லிமிடம் செய்யும் பண பரிமாற்றத்தில் வேண்டுமானால் நாம் இதை (வட்டி என்ற சொல்லை/செயலை ) தடுக்க முடியும். முஸ்லிம் அல்லாதவரிடம் ஒரு முஸ்லிம் செய்யும் பண பரிமாற்ற முறைகளில் நாம் இதை எப்படி தவிர்க்க முடியும்?

சரி. ஒரு முஸ்லிம், முஸ்லிம் அல்லாதவரிடம் பெரும் வட்டியை வேண்டுமானால் எனக்கு வேண்டாம், நான் வட்டி வாங்க மாட்டேன் என நிராகரிக்க முடியும். , முஸ்லிம் அல்லாத நிறுவனம்/ அரசு , ஒரு முஸ்லிமுக்கு கடன் கொடுத்தால், வட்டி தர முடியாது என்றால் எப்படி அது கடன் கொடுக்கும்? பின் முஸ்லிம்கள் எப்படி பொருள் உதவி பெற முடியும்?

எனவே இதற்க்கு ஒரு பரிகாரம் கூறுங்கள். மாற்று வழி சொல்லுங்கள். இதற்காக நான் வட்டியை ஆதரிக்கிறேன் என பொருள் கொள்ள வேண்டாம். இஸ்லாமிய ஆட்சி இல்லாத நாடுகளில் இஸ்லாமிய வழிமுறைக்கு உட்பட்டு நாம் அரசு சலுகைகள்/ நிதி உதவி பெறுவது எப்படி என்பது போன்ற யோசனைகளை மார்க்கம் தெரிந்த அன்பர்கள் அல்லது ஆலிம்கள் இங்கு எடுத்துச்சொல்லலாம்.