IP: 119.*.*.* China

பிறை பார்ப்பதை ஆய்வு செய்வது இப்போது காயல் பட்டணத்தில் அதிகமாகி விட்டது.ஒவ்வொரு இயக்கங்களும் அவரவர் தகுதிக்கு தனித்தனியாக ஆய்வு செய்ய துவங்கிவிட்டன. காயல்பட்டணத்திற்கு மட்டும் மூன்று பெருநாள்.

இங்குள்ள வேற்றுமைபோன்று உலகில் வேறு எங்கும் காண முடியாது.இங்குள்ள மக்கள் உலகில் பல்வேறு பகுதிகளிலும் வசிக்கின்றனர்.அவரவர் வசிக்கும் நாட்டில் பெருநாள் கடைபிடிக்கப்படுவதர்க்கு ஏற்ப , அதே நாளில் காயல் பட்டணத்திலும் அவர்களின் உறவினர்கள் பெருநாள் கடைபிடிக்க வேண்டும் என ஆவல் கொள்கின்றனர்… ஒவ்வொரு பிரவினரின் ஆதீக்கத்திலும் ஒவ்வொரு வலை தளங்கள். அவர்களின் விருப்பத்திற்கேற்ப அந்த வலைத்தளங்கள் பரப்புரை செய்கின்றன. மார்க்க விதிமுறைகளை மீறுவோரின் எண்ணிக்கை நாளுக்கு நாள் அதிகரித்து வருகிறது. இவர்கள் உள்ளூர் ஆலிம்களின் அறிவுரைகளை மதிப்பதில்லை.இந்த மார்க்க அறிஞர்களின் அறிவுறுத்தல்களை ஊதாசீனம் செய்கின்றனர். அதன் விளைவாகவே இங்கு பெருநாட்களின் எண்ணிக்கை அதிகரிப்பதாக தெரிகிறது.

முஸ்லிம்களின் ஆட்சி இல்லாத நாடுகளுடன் ஒப்பிடும்போது , இந்தியாவில் நிலைமை சற்று மேலானது.. இங்கு ஒவ்வொரு மாநிலத்திலும் பிறை அறிவிப்பை செய்வதற்கு பெருநகரங்களில் காஜிகள் இருக்கின்றனர். மாவட்ட காஜிகளும் உள்ளனர். ஆனால் இவைகளைத்தான் பின்பற்றித்தான் ஆகவேண்டும் என்ற அரசு சட்டம் இல்லை. எனினும் காஷ்மீர் முதல் கன்னியாகுமரி வரைபெரும்பாலான மாநிலங்கள் ஒரே நாளிலேயே பெருநாள் கடை பிடிக்கின்றனர்.

மேற்கு கரையோர மாநிலங்கள் மட்டும் இதில் விதிவிலக்கு.மேற்க்குகரையோர மாநிலங்களில் கடல் பகுதியாக இருப்பதால் 180 கோணம் சாய்வு வரை பிறை தெரிய வாய்ப்பு இருப்பதாலும், சூரியன்/சந்திரன் தாமதமாக மறைவதாலும் , இவர்களுக்கு நாட்டின் பிற பகுதிகளை காட்டிலும், சற்றுமுன் பிறை தெரிய வாய்ப்பு.எனவே ஒரு நாள் முன்னதாக பிறை தெரிய வாய்ப்பு… மேற்கு மலைதொடர் குருக்கிடுவதன் காரணமாக , கிழக்கு பகுதி மக்களுக்கு 135 கோணம் சாய்வு வரை மட்டுமே பிறை தெரிய வாய்ப்பு உள்ளதாலும் சூரியன்/சந்திரன் சற்று முன்னதாக மறைவதாலும் பிறையை அன்றே காணும் வாய்ப்பு சற்றே குறைவு. இதுவே நம் நாட்டில் கிழக்கு மற்றும் மேற்கு பகுதிகளுக்கான வேறுபாடு.

எது எப்படி இருப்பினும் காயல்பட்ட்னத்தை பொருத்தவரையில் மஹழரா – ஜாவியா ஆலிம்களின் கூட்டு முடிவே இறுதியானது. அதுவே ஏற்புடையது.