Kayal on the Web

செய்திகள்

செய்தி எண் (ID #) 11965

#KOTW11965

புதன், அக்டோபர் 2, 2013

ஹஜ் பெருநாள் (1434) எப்போது?

செய்தி: காயல்பட்டணம்.காம்
இந்த பக்கம் 3062 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

துல்ஹஜ் (1434) மாத அமாவாசை அக்டோபர் 5 சனிக்கிழமை அன்று - இங்கிலாந்து நேரப்படி நள்ளிரவு 12:34 மணி அளவில் ஏற்படுகிறது. அப்போது இந்திய நேரம் அக்டோபர் 5 அதிகாலை 6:04 மணி.

அக்டோபர் 5 அன்று காயல்பட்டணத்தில் சூரியன் மாலை 6:06 மணிக்கு மறைகிறது. சந்திரன் மறையும் நேரம் 6:21. அன்று காயல்பட்டணத்தில் சூரியன் மறைந்து 15 நிமிடங்கள் கழித்து சந்திரன் மறைகிறது. மேலும் பிறையின் வயது சுமார் 12 மணி நேரம் ஆகும்.

அன்று பசிபிக் கடல் பகுதியில் வெறுங்கண்கள் கொண்டு எளிதாகவும், தென் அமெரிக்க கண்டத்தின் அநேக பகுதிகளில் வானிலை சூழல் தெளிவாக இருந்தால் வெறுங்கண்கள் கொண்டு எளிதாகவும், ஆப்ரிக்கா கண்டத்தின் மத்திய மற்றும் தென் பகுதிகளிலும், வட அமெரிக்கா கண்டத்தின் மத்திய பகுதியிலும், மத்திய அமெரிக்க கண்டத்திலும், தொலைநோக்கிகள் உதவிக்கொண்டும் பிறையை காணலாம்.

அக்டோபர் 6 அன்று காயல்பட்டணத்தில் சூரியன் மாலை 6:06 மணிக்கு மறைகிறது. சந்திரன் மறையும் நேரம் 7:10. சூரியன் மறையும்போது சந்திரனின் வயது 36 மணி நேரம். சூரியன் மறைந்து வானில் 64 நிமிடம் வரை பிறை இருக்கும். காயல்பட்டினத்தில் பிறையை வெறுங்கண்ணால் எளிதாக காணலாம்.

வடக்கு ஐரோப்பா, வடக்கு ரஷ்யா பகுதிகளில் தொலைநோக்கிகள் உதவிக்கொண்டும், உலகின் இதர பகுதிகளில் வெறுங்கண்கள் கொண்டு எளிதாகவும் - அக்டோபர் 6 அன்று - பிறையை காணலாம்.

பிறையை கணக்கிட்டு அறியலாம் என்ற நிலையில் உள்ள ஒரு சாராருக்கும் (Hijra Committee, Kerala), மற்றொரு விதிமுறை அடிப்படையில் பிறையினை கணக்கிடும் Islamic Society of North America [ISNA], Fiqh Council of North America [FCNA], European Council for Fatwa and Research [ECFR], Conseil Français du Culte Musulman அமைப்புகளை ஏற்றுக்கொள்ளும் சாராருக்கும் அக்டோபர் 6 - துல்ஹஜ் 1 ஆகும். அக்டோபர் 15 அன்று ஹஜ் பெருநாளாகும்.

உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு அக்டோபர் 5 (அமாவாசை) அன்று துல்கஃதா 29 பூர்த்தி ஆகிறது. அன்று பசிபிக் கடல் பகுதிகளிலும், தென் அமெரிக்க கண்டத்தின் அநேக பகுதிகளிலும் வெறுங்கண்கள் கொண்டு பிறையை காணலாம். அப்பகுதிகளில் அக்டோபர் 5 அன்று பிறை காணப்பட்ட தகவல் கிடைக்கப்பெற்றால் - அவர்கள் துல்கஃதா 29 பூர்த்தி செய்து, அக்டோபர் 6 அன்று துல்ஹஜ் மாதம் துவக்குவர். அக்டோபர் 15 அன்று ஹஜ் பெருநாளாகும். அவ்வாறு தகவல் கிடைக்கப்பெறவில்லை எனில் அவர்கள் - அக்டோபர் 6 அன்று துல்கஃதா 30 பூர்த்தி செய்து, அக்டோபர் 7 - துல்ஹஜ் மாதம் துவக்குவர். அப்போது அக்டோபர் 16 அன்று ஹஜ் பெருநாளாகும்.

அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்களுக்கு அக்டோபர் 5 (அமாவாசை) அன்று துல்கஃதா 28 பூர்த்தி ஆகிறது. அக்டோபர் 6 அன்று காயல்பட்டினத்தில் பிறையை வெறுங்கண்ணால் காணலாம். அவ்வாறு பிறையைக்கண்டால் அக்டோபர் 6 அன்று அவர்கள் துல்கஃதா 29 பூர்த்தி செய்வர். அக்டோபர் 7 துல்ஹஜ் மாதம் துவக்குவர். அப்போது அக்டோபர் 16 அன்று ஹஜ் பெருநாளாகும். வானிலை சூழல் காரணமாக அன்று பிறை தென்படவில்லை எனில் - அக்டோபர் 7 அன்று துல்கஃதா 30 பூர்த்தி செய்து, அக்டோபர் 8 துல்ஹஜ் மாதம் துவக்குவர். அப்போது அக்டோபர் 17 அன்று ஹஜ் பெருநாளாகும்.

துல்கஃதா 1434 மாத பிறை விபரங்களை காண இங்கு அழுத்தவும்

{TAGS} hijri 1434 dulhaj dul haj thul haj crescent moonsighting

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...ஹஜ் பெருநாள் 15 Oct அறிவிப்பு.?
posted by M.S.ABDULAZEEZ (Guangzhou) [02 October 2013]
IP: 14.*.*.*

China | Comment Reference Number: 30500

இரண்டு வாரங்களுக்கு முன் ஒரு ஜூம்மா தொழுகைக்காக இங்கு உள்ள கோங்க்தாலு பள்ளியில் நான் சென்று இருந்த போது ஹஜ் பெருநாள் 15 Oct என்றும் தொழுகைகான நேரமும் அறிவிக்க பட்டது.