IP: 113.*.*.* China

கண் கெட்ட பிறகு சூரிய நமஸ்காரம் என்று ஒரு வழக்கு மொழி உண்டு. தொலைக்காட்சி வந்த பிறகு சினிமா சிறிது சிறிதாக தேய்ந்து வந்துகொண்டிருந்தது. பிறகு வலைத்தளங்கள் வர ஆரம்பித்ததும் முற்றிலுமாக சினிமா அழிந்துவிட்டது என்றே சொல்ல வேண்டும்.

தமிழ் நாட்டில் மட்டுமே அரசியல் தலைவர்கள் சினிமாவில் இருந்து வந்தவர்கள். ஆந்திராவில் ஒருவர் மட்டுமே .கேரளா மற்றும் வட இந்திய மாநிலங்களில் சினிமாவில் எவ்வளவு செல்வாக்கு பெற்றவராக இருந்தாலும் அவர்களால் ஆட்சியை பிடிப்பது பற்றி கனவுகூட காண முடிந்ததில்லை.

முன்பு சினிமா பலம் வாய்ந்த மீடியாதான். திராவிட கட்சியினரின் ஆயுதம் இது. 1980 ல் எம்ஜியார் முற்றிலும் பக்க வாதத்தால் பாதிக்கப்பட்டபோது அமெரிக்காவில் மருத்துவமனையில் சிகிச்சைபெற்றுக்கொண்டே, தமிழ்நாட்டிற்கு நேரில் வராமல் தேர்தலில் நின்று வெற்றிபெற்று ஆட்சியையும் பிடித்தார்.

சினிமா இப்போது பலம் இழந்த மீடியா. பலம் வாய்ந்த மீடியா அல்ல. சினிமாவை முற்றிலுமாக நாம் தவிர்த்த காரணம் ஆடல், பாடல், ஆபாசக் காட்சிகள், கொலை, கொள்ளை, வன்முறை சம்பவங்கள், இவைகள் மேலோங்கி இருந்ததால்தான். நான் சொல்லும் சினிமா என்பது "முழு நீலதிரைப்படம்".

திரைப்பட தயாரிப்பில் முதலீடு செய்தவர்கள் பெரும்பாலும் நஷ்டத்தையே சந்தித்துக்கொண்டிருக்கின்றனர். சினிமா துறை இனி மேலோங்க முடியாது.

குறும்பட தயாரிப்புகள், டிவி சீரியல்கள் வேண்டுமானால் இன்னும் சிறிது காலத்திற்கு கோலோச்சும். கட்டுரையாளர் விரும்புவதுபோல இந்த குறும்படங்களின் மூலம் நம் சமுதாய ஆதரவு பிரசாரங்களை நாம் துணிச்சலாக செயல்படுத்தலாம்.