IP: 92.*.*.* United Arab Emirates

"முப்பது வருடங்களுக்கு முன்னர் எந்த கொள்கைப்பிளவும் சச்சரவும் இல்லாத கால கட்டம்தானே ? ஊரெல்லாம் ஒரே கொள்கையில்தானே இருந்தது. ஏன் அப்போது வெவ்வேறு பாங்குகள் ஊரில் நடைமுறையில் இருந்தது ?"

உண்மைதான் - அந்நாட்களில் இதுபோன்ற நேரப்பிரச்சனைகள் இருந்தன - இப்பிரச்சனைக்கு ஒரு தீர்வு எட்டப்படவேண்டும் என்ற எதிர்பார்ப்பும் மக்கள் மத்தியில் இருந்தது. எனவேதான், இந்த எதிர்பார்ப்பு ஏமாற்றத்தில் முடியாமல் ஒரு தீர்வை எட்ட காரணமாய் இருந்தது.

ஆனால், இன்றைய பிரச்சனை அவ்வாறு இல்லையே. ஒவ்வொரு இயக்கத்தினரும், அரசியல் அமைப்பினரும் பிறை பற்றி கருத்து கூறி வெவ்வேறு திசைகளில் பயனப்படவே விரும்புகின்றனர். மேலும், ஊடகங்களும் அவர்களின் பங்களிப்பை 'மிகச்சிறப்பாக' செய்கின்றனர்.

ஒற்றுமையாய் ஒரே நாளில் நோன்பு நோற்பதற்கும், ஒரே நாளில் பெருநாள் கொண்டாடுவதற்கும் விரும்புகின்றவர்கள், தத்தமது தலைப்பாகைகளை கொஞ்சம் கழட்டி வைத்துவிட்டு ஒரு பொதுத்தளத்திற்கு வர விரும்புகிறோம். அப்படி வரும் பட்சத்தில் கருத்துப்பரிமாற்றங்கள் ஆரோக்கியமான முறையில் நடைபெறும். ஒவ்வொரு ஆலிமும் சக ஆலிம்களை மதிக்கும் நாகரிக தன்மை வெளிப்படும். நிறைவாக, ஒரு சரியான தீர்வு கிடைக்கும்.

நமதூர் ஆலிம்கள் அனைவரையும் அழைத்து இவ்விஷயத்திற்கு ஒரு நிரந்தர தீர்வு காணும் முயற்சியை இன்ஷா அல்லா நாம் மேற்கொள்ள இருக்கிறோம். இதில் அல்லாஹ்வின் உதவியையும், வெற்றியையும் நாம் ஆதரவு வைக்கிறோம். உங்களின் மேலான ஆலோசனைகளையும் நாம் எதிர்பார்க்கிறோம்

ஒருவேளை, இம்முயற்சியை வேறு யாரும் செய்வதாக இருந்தாலும், நம்மாலான உதவியை இன்ஷா அல்லாஹ் செய்ய இருக்கிறோம்.

யஹ்யா முஹியத்தீன்
சொளுக்கார் தெரு