IP: 117.*.*.* India

இந்த புகைபடத்தில் இடது புறம் இருக்கும் அந்த கொழுத்த குரங்குதான் முதல்லெ தாவியது என நினைக்கிறேன். முதல்லெ தாவுன குரங்குதான் மூத்த குரங்கா இருக்கும். அந்த குரங்கு இப்ப இருக்கிற இடத்திலாவது நிலையா இருக்குமான்னா அதுவும் சந்தேகம்தான். எங்கடா வழி இருக்கு எப்படா தவலாம்ன்னு யோசிச்சிடிருக்கு... அநேகமா தாவும். அப்படி தாவும் போது தாவுற மரக்கிளை ஒடியாமெ இருக்கணும். இல்லைன்னா அநியாயமா விழுந்து செத்துப்போகும். இந்த தாவும் குரங்கினை நினைக்கையில் பட்டுக்கோட்டையாரின் வைர வரிகள் நினைவுக்கு வருகின்றது...

அன்பு படர்ந்த கொம்பினிலே ஒரு அகந்தைக் குரங்கு தாவும் -
அதன் அழகைக் குலைக்க மேவும்
கொம்பும் ஒடிந்து கொடியும் குலைந்து குரங்கும் விழுந்து சாகும்
சிலர் குணமும் இது போல் குறுகிப் போகும் கிறுக்கு உலகமடா -
தம்பி தெரிந்து நடந்து கொள்ளடா
இதயம் திருந்த மருந்து சொல்லடா...

குறுக்கு வழியில் வாழ்வு தேடிடும் குருட்டு உலகமடா - இது
கொள்ளையடிப்பதில் வல்லமை காட்டும் திருட்டு உலகமடா
தம்பி தெரிந்து நடந்து கொள்ளடா
இதயம் திருந்த மருந்து சொல்லடா...

இருக்கும் அறிவை மடமை மூடிய இருட்டு உலகமடா
வாழ்வில் எந்த நேரமும் சண்டை ஓயாத முரட்டு உலகமடா
தம்பி தெரிந்து நடந்து கொள்ளடா
இதயம் திருந்த மருந்து சொல்லடா...

விளையும் பயிரை வளரும் கொடியை வேருடன் அறுத்து விளையாடும்
மனம் வெந்திடும் தோட்டக்காரனிடம் மிரட்டல் வார்த்தைகளாடும்
பல வரட்டு கீதமும் பாடும்
விதவிதமான பொய்களை வைத்துப் புரட்டும் உலகமடா - தம்பி
தெரிந்து நடந்து கொள்ளடா
இதயம் திருந்த மருந்து சொல்லடா...

எவ்வளவு பொருத்தமான வரிகள் இந்த உலகில் நடக்கும் உருட்டல் மிரட்டல்களுக்கு சவுக்கடி கொடுக்கும் பாடல். பட்டுக்கோட்டை பட்டுக்கோட்டைதான்.

-ராபியா மணாளன்.