IP: 188.*.*.* Saudi Arabia

DCW நிறுவனம் குறித்த விழிப்புணர்வு நம்மிடையே மிகக்குறைவுதான். அந்த தொழிற்சாலையினால் நம் மக்களுக்கு பாதிப்பு என்று மட்டும் தெரியும் ஆனால், அங்கு என்ன தயாரிக்கின்றனர்? அதற்குரிய மூலப்பொருள் என்ன? அது எங்கிருந்து கிடைக்கிறது? ஒரு வேளை காஸ்டிக் சோடா மட்டும் தான் தயாரிக்கின்றனரா? அதற்குள் ஒரு ஊரே இயங்குகின்றதே?பள்ளிக்கூடம், வங்கி ,கேண்டீன், இதர இதர...

எத்தனை வருட ஒப்பந்தம்? கழிவுகளை எப்படி? எங்கு கலக்கின்றனர்? 30 வருடங்களுக்கு முன் அங்கிருந்து வெளியாகும் புகையால் கண்கரிக்கும் இப்போது அது இல்லை!(ஏதோ மாற்று வழி செய்துள்ளனர்)இந்த தொழிற்சாலையைப் பற்றிய முழு விபரங்களை செய்தியாக நம் காயல்பட்டனம்.காம் மூலம் வெளியிட்டு நம் மக்களுக்கு ஓர் விழிப்புணர்வை ஏற்படுத்தலாமே? மேலும் நம் காயல் ஐக்கியப் பேரவை மூலம் இதன் கேடு குறித்து நோட்டீஸாக அச்சிட்டு நம் மக்களுக்கு விநியோகிக்கலாம். இது நம் பலருக்கும் பயனுள்ளதாக அமையும்.

குறிப்பு:
கமலாவதி ஸ்கூலில் மாதந்தோறும் ஃபீஸ் கட்ட நம் இளம் வயது சகோதாரிகள் அதிக அளவில் வந்து கால்கடுக்க நின்று, வியர்வை, களைப்பு, பிரஷர் என் அவதிப்படுவதை நான் கண்கூடாகப் பார்த்து பல முறை வருந்தியிருக்கின்றேன். உட்கார ஒரு சேர் கூட கிடையாது. பிரின்ஸ்பாலை பார்க்கிறது நம் நாட்டு பிரஸிடண்டைப் பார்க்கிறது போல ஏகப்பட்ட கெடுபுடி! காணாத குறைக்கு இப்போ ஃபீஸ் கட்ட ஆலைக்குள் நீண்ட தூரம் போய் அவர்கள் வங்கியில் தான் கட்டவேண்டும் என்ற புது சட்டம் வேறு.

அருகில் உள்ள ஊர்களிலிருந்து பெரும்பாலும் ஆண்களே வருகின்றனர். நமதூருக்கு கிடைத்த சாபம் நாங்கள் வெளிநட்டில் தேயோதேயின்னு தேஞ்சு அனுப்பும் பணத்தை தாய்மார்கள் தான் கொண்டு கட்டவேண்டும் என்ற தலையெழுத்து!பிள்ளைகளுக்குத் தொழுகை, ஜும்மா என்று எதுவும் கிடையாது. பள்ளி முடிந்து வேன்களில் வீடு திரும்பும் பிள்ளைகளைக் காத்து இளம் வயது தாய்மார்கள் வீதியிலேயே நின்று கொண்டிருக்கும் அவல நிலை, இன்னும் இப்படி நிறைய சொல்லிக்கொண்டே போகலாம்.

இதற்கெல்லாம் ஒரு விடிவு காலம் எப்ப வருமோ?