IP: 176.*.*.* Qatar

அளவிலா அருளும், நிகரிலா அன்பும் உடைய எல்லாம் வல்ல அல்லாஹ் தஆலாவின் திருப்பெயரால்...

எங்கள் அன்புச் சகோதரர் ‘முத்துக்கெட்டி’ எஸ்.ஏ.கே.முஹம்மத் முகைதீன் [‘அல்யவ்ம் டெக்கரேஷன் மம்மி’] அவர்கள், கடந்த 13.01.2014 அன்று மாலை 05.45 மணியளவில் திடீரென ஏற்பட்ட உடல்நலக் குறைவு காரணமாக, இறை நாட்டப்படி தாருல் ஃபனாவை விட்டும் தாருல் பகா அளவில் (அழியும் உலகை விட்டும் நிலையான உலகத்தின் அளவில்) சேர்ந்துவிட்டார்கள். இன்னா லில்லாஹி வஇன்னா இலைஹி ராஜிஊன்.

அன்னாரின் ஜனாஸா மறுநாள் 14.01.2014 அன்று காலை 10.30 மணியளவில், காயல்பட்டினம் காதிரிய்யா கொடிமர சிறுநெய்னார் பள்ளி மையவாடியில் நல்லடக்கம் செய்யப்பட்டது.

அல்லாஹ்வின் கட்டளைக்கிணங்க நாங்கள் யாவரும் ஸபூர் செய்துகொண்டோம். மர்ஹூம் அவர்களின் மறைவை முன்னிட்டு, இரங்கல் தெரிவித்தும், துஆ இறைஞ்சியும் - நேரிலும், தொலைபேசி வாயிலாகவும், இணையதள செய்திகள் வாயிலாகவும் கருத்துக்களைப் பதிவு செய்துள்ள அனைத்து சகோதர – சகோதரிகளுக்கும், அவர் சார்ந்திருந்த கழக அமைப்பினருக்கும் எங்கள் குடும்பத்தினர் அனைவரின் சார்பில் மனமார்ந்த நன்றியைத் தெரிவித்துக் கொள்கிறோம்.

எல்லாம் வல்ல - கருணையுள்ள அல்லாஹ், மர்ஹூம் அவர்களின் பிழைகள், பாவங்களைப் பொறுத்தருளி, அவர்களது நற்கிரியைகள் அனைத்தையும் தனதருளால் பொருந்திக் கொண்டு, அன்னாரின் மண்ணறை என்னும் கப்ரு வாழ்க்கையை ஒளிமயமாக - பிரகாசமாக – வசந்தமாக - சுவன பூஞ்சோலையாக ஆக்கி, நாளை மறுமையில் ‘ஜன்னத்துல் பிர்தௌஸ் அல் அஃலா’ எனும் உயரிய சுவனபதியில் , நபிமார் - ஸித்தீக்கீன் - ஷுஹதா - ஸாலிஹீன்களுடன் அவர்களையும், நம்மையும் சேர்த்தருளும் சிறப்பான நல்வாழ்க்கையை வழங்க தாங்கள் யாவரும் துஆ செய்யுமாறு அன்புடன் வேண்டுகிறோம்.

அன்னார் தமது வாழ்வில் உங்களில் யாருக்கேனும் சொல்லாலோ, செயலாலோ ஊறு விளைவித்திருந்தால், அல்லாஹ்வுக்காக பெருமனது கொண்டு அதனைப் பொறுத்துக் கொள்ளுமாறு வேண்டுவதுடன், அதற்காக நான் மன்னிப்புக் கேட்டுக் கொள்கிறேன்.