IP: 188.*.*.* Saudi Arabia

அன்பு நண்பர் அலி ஸாஹிப் எடுத்து வைத்த அனைத்து கருத்துக்களும் முத்தானவை. நம் சமுதாய மக்கள் நமது அபார சக்தியை இன்னும் உணரவே இல்லை.சிங்கம் தூங்கும் போது சுண்டெலி கூட சிந்து பாடும் என்பது உண்மைதான்.

இவ்வளவு வாக்குகளை வைத்துக்கொண்டு நம் சமுதாயம் மட்டும் ஏன் இப்படி எடுப்பார் கைப் பிள்ளையாக இருக்க வேண்டும்?கொடுத்த சீட்டை பிடுங்கி வேறு யாருக்கோத் தாரைவார்த்த திமுக மீது ஒட்டு மொத்த இஸ்லாமிய சமுதாயமே வெறுப்புணர்வோடு இருப்பதாக உளவுத்துறை உருப்படியான தகவல்களைக் கொடுத்த பின்பும், ஊசலாடாத கருணாநிதி & குடும்ப அரசியல்வாதிகளுக்கு குளிர் ஜுரம் ஏற்படும் விதம் நாம் நமது வாக்கு எந்திரத்தை உபயோகப்படுத்தினால் மட்டுமே வருங்கால கட்டங்களில் நம் சமுதாயம் சற்று தலைதூக்க முடியும்.

ஒரு குடையின் கீழ் ஒன்று திரண்டு ஓரணியில் செயல் படுவது சாத்தியமா? என்றால் சாத்தியமே! சமுதாயத்தின் பெயரை முன்னால் வைத்துக் கொண்டு சம்பிரதாயக் கட்சியாகவே இருந்து வரும் முஸ்லிம் லீக் நம் மக்கள் மனதில் முதலில் இடம் பிடிக்க வேண்டும். அரசியலில், அதிகாரத்தில், நாம் ஏன் பின் தங்கியுள்ளோம்? என்பதையும், இன்றுவரை ஒரு ரோடு கூட போடமுடியாமல் பாரம்பரிய கட்சி என்று மார்தட்டிக் கொள்வதில் அர்த்தமே இல்லை!

மக்களைக் கவரும் விதத்தில், மக்களோடு மக்களாகக் கைகோர்த்து பல நல்ல சேவைகளைச் செய்ய வேண்டும், புதிய யுக்திகளைக் கையாண்டு அரசியலில் ஆடு புலி ஆட்டம் ஆட வேண்டும். வெறும் பி.எஸ்.என்.எல் போல் இல்லமல் ஏர்டெல், ஏர்செல், அட்லீஸ்ட் ஒரு டொகொமோ ரேஞ்சுக்காவது தன்னை முஸ்லிம் லீக் மாற்றிக்கொள்ளாதது வரை இந்த கருணாநிதி கடைத்தேங்காயை எடுத்து வழிப் பிள்ளையாருக்கு உடைத்துக் கொண்டேதான் இருப்பார்.

எனவே முஸ்லிம் லீக் தன்னை ஒருமுறை சுயப்பரிசோதனை செய்துகொள்வது நல்லது!!!

Moderator: Comment edited!