IP: 87.*.*.* Saudi Arabia

கட்டுரையாளருக்கு அரசியல் ஞானம் இன்னும் தேவை என்பது தெளிவாக தெரிகிறது. அவரது ஒற்றை குறிக்கோளான தமிழக முதல்வரை எந்த வகையிலும் குறைத்து மதிப்பிட வேண்டும் என்ற எண்ணம் அவரது அரசியல் முதிர்ச்சியற்ற கட்டுரையின் மூலம் தெளிவாகிறது.

அவர் பி.ஜெ.பி யின் செல்வாக்கை பற்றி அலசும் போது, ஊடகங்களில் வரும் செய்திகளை மையமாக வைத்து கருத்தை சொல்லியுள்ளார். மோடி அலை என்பதெல்லாம் சுத்த ஹம்பக். 4 மாநில தேர்தலை வைத்து அப்படி கணித்துள்ளார் என்று எண்ணுகிறேன்.

பி.ஜெ.பி.க்கு அந்த 4 மாநிலங்களில் மட்டும் தான் செல்வாக்கு. கூட குஜராத்தையும் சேர்த்து கொள்ளுங்கள். அந்த 5 மாநிலங்களில் உள்ள எம்.பி க்களின் கூட்டு தொகை கிட்டதட்ட 120 தான். ஆக அந்த 120 சீட்டும் 100% கிடைக்கும் என்று எண்ணுகிறீர்களா?.

மாநில தேர்தல் என்பது வேறு, பாராளுமன்ற தேர்தில் என்பது வேறு. தே.மு.தி.க வுக்கு 10% வாக்கு உள்ளது என்பதும் சுத்த ஹம்பக். தே.மு.தி.க - பி.ஜெ.பி யுடன் சேர்ந்தாலும் அக்கூட்டணி ஒரு இடத்தில் கூட ஜெயிக்காது. பி.ஜெ.பி க்கு முன்பைவிட கூடுதல் சீட் வரும் என்று சொல்கிறீர்களே!!!. அது எந்த அடிப்படையில் என்பதை தெளிவுபடுத்தவில்லை.

தங்கள் வாதபடி, ஒரு வேளை பி.ஜெ.பி. ஆட்சி அமைக்க முற்படுமானால், ஜெயலலிதா ஒருபோதும் ஆதரவு அளிக்க மாட்டார். ஆனால் கருனாநிதி ஆதரவு கொடுக்க வாய்ப்பு உள்ளது. ஏனெனில், சமீபத்தில் தான், மோடி நல்லவர், திறமையானவர் என்றெல்லாம் மோடிக்கு நற்சான்றிதல் அளித்தார். அவரது அமைச்சரவையில் பங்கு பெற்றவர் தான்.

குஜராத் கலவரம் நடக்கும் போது, அமைச்சரைவில் இருந்து கொண்டு, அச்சம்பவம் ஒரு மாநிலம் சம்பந்தபட்ட விவகாரம் அதில் எனது கருத்தை கூற முடியாது என்று சப்பைகட்டு கட்டியவர் தான். கட்டுரையாளர் ஏன் குஜராத் கலவரத்தையும் அதனால் ஏற்பட்டுள்ள தாக்கத்தை பற்றியும் கணிக்கவில்ல. ஆனால் அதிமுக பி.ஜெ.பி க்கு ஆதரவு அளிக்காது. ஏனெனில் பி.ஜெ.பி யின் ஆட்சியையே கவிழ்த்து காட்டி சாதனை படைத்தவர் ஜெயலலிதா அவர்கள்.

ஜெயலலிதா என்றைக்குமே நான் பிரதமராக வருவேன் என்று சொன்னதில்லை. நமது சொல்படி நடக்கும் ஆட்சி அமையும் என்று தான் சொல்லியுள்ளார். பொதுகுழுவில் தீர்மானம் போட்டது உண்மை. அது தொண்டர்களின் ஆசை. ஏன் அவருக்கு பிரமராக வருவதற்கு தகுதி இல்லையா? அல்லது வாய்ப்பு தான் இல்லையா?

தேவகௌடா, குஜரால், சரண்சிங், வி.பி.சிங், மொரார்ஜிதேசாய் போன்றோர் எப்படி பிரதமர் பதவிக்கு வந்தார்கள். இத்தேர்தலில் மாநில கட்சிகளின் ஆதிக்கம் தான் மேலோங்கும். ஜெயலலிதா பிரதமராக வரவும் வாய்ப்புள்ளது.

[Administrator: Comment edited]