IP: 117.*.*.* India

வீட்டில் வந்து கதவை திறந்து உட்கார்ந்தபோது அலைபேசி மணி ஒலித்தது. மறுபுறத்தில் யாரென்று தெரியவில்லை. தந்தி டீவீ உடன் பாருங்கள். திடுக்கிட்டு தொலைக்காட்சியை பார்த்தபோது, DCW சம்பந்தமான பேட்டி, கலந்துரையாடல், கேள்விக் கணைகள், பதில்கள் விளக்கங்கள்...அபூபக்கர் காக்கா பேச்சு, சாலிஹ் அவர்கள் பேச்சு, பாதிக்கப் பட்டவர்களின் அவலக் குரல்கள் எல்லாம் சாகுபுரம் சாகும்புரமாக, சாகடிக்கும்புரமாக மாறி வருவதை எடுத்துக் காட்டியது.

முன்கூட்டியே தெரிந்திருந்தால் ஊர் மக்களுக்கு தண்டோரா போட்டோ ஆட்டோ மூலமோ அறிவித்திருக்கலாம். எழுச்சிமிக்க ஒரு கூட்டத்தை கடை அடைப்பை, ஊர்வலத்தை நடத்திக் காட்டி மிகப் பெரிய தாக்கத்தை மக்கள் மனத்தில் ஏற்படுத்திய KEPA நிர்வாகிகளுக்கு முன்னறிவிப்பு செய்யாமல் தந்தி டீவீ குழுவினர் எப்படி இந்த ஜும்மா நேரத்தில் இக்கட்டான சூழ் நிலையில் ஊருக்குள் வந்தார்கள் என்பது புதிராக உள்ளது. இதுவும் DCW யின் சதி வேலையாக இருக்குமோ என்று எண்ண தோன்றுகிறது.

கணினிகள் எல்லோரிடமும் இல்லை. மறு ஒலிபரப்பு நள்ளிரவில் நடக்கிறது பாருங்கள் என்ற அறிவிப்பாவது செய்திருக்கலாம். பாதி தூக்கதிலாவது பெண்கள் ஆண்கள் வீடுகளில் டீவீயில் பார்த்திருப்பார்கள். தொடர்ந்து KEPA நிர்வாகம் கண்காணிப்புடன் செயல்பட வேண்டும். புதிய தலைமுறை டீவீயும் சமீப காலமாக மக்கள் பிரச்சினைகளை பேசி வருகிறது. அவர்களையும் தொடர்பு கொண்டு இப்படி ஒரு சந்திப்புக்கு ஏற்பாடு செய்யுங்கள். நல்லதொரு தீர்வு வெகு விரைவில் ஏற்பட அல்லாஹ் உதவி செய்வான்.

தேர்தல் புறக்கணிப்பு யோசனைகளையும் மக்கள் மத்தியில் முன்வைக்கலாம். சீட்டுக்காக ஆலாய்ப் பறந்துகொண்டிருக்கிரார்கள். முஸ்லிம்கள், உள்ளூர்வாசிகள், கட்சி பேதமின்றி இதுபற்றி யோசித்தால் விடிவு நிச்சயம் வரும்..