IP: 176.*.*.* United Arab Emirates

முதன் முதலாக, நகரின் சுகாதாரக் கேட்டின் காரணிகள் மற்றும் சுற்றுசூழல் பாதிப்பு போன்ற மிக முக்கியமான விஷயங்களை மிகவும் திறமையான முறையில் கையாளும் KEPA விற்கு பாராட்டுக்கள்.

எனக்குள்ள ஆதங்கம் எல்லாம் இவ்வளவு ஆதாரங்கள் நம்மிடம் இருந்தும், நமது சமூகத்தையே சீரழிக்கும் இந்த தொழிற் சாலையை இழுத்து மூட எவை தடையாக இருக்கிறது என்பதுதான்!!!!

இதை படிக்கும் எல்லோருக்கும் ஒரு வேண்டுகோள்.

நமது கடமை KEPA வை பாராட்டுவதோடு முடிந்து விடக்கூடாது, அதன் செயலாக்கங்களுக்கு KEPA வின் கரங்களை வலுப்படுத்த வேண்டும் - உடல் உழைப்பாலும் - உள்ளத்தின் உந்துதலாலும் - மின்னல் ஹாபீபாலும்.

நமதூரில் சராசரியாக மாதத்திற்கு இரண்டு கேன்சர் நோயாளிகள் கண்டறியப்படுகிறது என்று அறிவதில் நம் எல்லோருக்கும் பெரிய வேதனையை தருகிறது. இந்த நிலைமை இப்படியே போனால் இந்த உயிர் கொல்லி நோய் இல்லாத குடும்பமே இல்லை என்னும் அளவிற்கு ஆகிவிடுமோ என்ற ஒரு திகில் தான் மனதில் தோன்றுகிறது.

எனவே நம்முள் எத்துனை வேறுபாடுகள் இருந்தாலும், ஊர் நலனை மட்டுமே கருத்தில் நிறுத்தி KEPA என்ற குடையின் கீழ் ஓன்று பட்டு, நமது போராட்டங்கள் எதிர்ப்புகள் ஒரு முனைப்படுத்தப்பட்டு, நமதூரையும் நமது சுற்று வட்டாரங்களையும் சுகாதார பகுதியாக வைத்துக்கொள்வோமாக!!!

உண்மையை அப்படியே எடுத்துரைத்த தந்தி தொலைகாட்சிக்கு நமது நன்றிகள் உரித்தாகட்டும்.

காயல் கனவான்களே, உலகளாவிய காயல் நல மன்றங்களே, நீங்கள் நமதூருக்கு ஆற்றிவரும் தொண்டு போற்றலுக்குரியது என்றாலும், கேன்சர் நோயாளிக்கு உதவுவதை காட்டிலும் கேன்சர் நமதூரில் வராமல் இருக்க வழிவகைகளை செய்வதற்கு KEPA விற்கு உறுதுணையாக இருங்கள். நமது சமூகம் வாழையடி வாழையாய் தலைத்தோங்கும். இன்ஷா அல்லாஹ்.

எல்லாம் வல்ல அல்லாஹ் நம்மை எந்தவித கொடிய நோய் நொடிகளிலிருந்து காப்பற்றியருள்வானாகவும் ஆமீன்.