IP: 124.*.*.* India

காயல் நல மன்றங்கள் ஆரம்பிக்கப் பட்ட காலங்களில் மக்களிடம் குமருக்கு உதவி, கல்விக்கு உதவி மருத்துவ உதவி என்ற சிந்தனைகள் இருந்தது. காலப் போக்கில் ஏற்பட்ட சிந்தனை மாற்றங்கள் பல பரிணாமங்களைக் கடந்து இப்போது வேலை தேடி வருவோருக்கு உணவு உறைவிடம் இலவசமாக வழங்க முன் வந்திருக்கிறார்கள், இப்படித்தான் எல்லா விஷயங்களிலும் மாற்றி யோசிக்கும் சிந்தனை இளைஞர்களிடம் ஏற்பட்டுள்ளது பாராட்டுக்கு உரியது.

ஒரு மீனை கொடுப்பதைவிட மீன் பிடிக்க கற்றுக் கொடுப்பது நீண்ட பயனை தரும். இன்னும் நமதூரில், ஒருவர் சம்பாத்தியம் செய்து 10 பேர் வாழ்வாதாரத்துக்கு கொடுத்து உதவ வேண்டிய நிர்பந்தம் உள்ளது. இந்த நிலை மாற வேண்டும். அல்லாஹ் ஒரு மனிதனை படைக்குமபோது இரண்டு கைகள் இரண்டு கால்களோடுதான் படைக்கிறான். உழைத்து வாழ வேண்டும் என்பதுதான் அதன் தாத்பரியம்.

உதவி செய்ய வேண்டும் என்ற எண்ணம் எல்லோருக்கும் வர வேண்டும். இங்கே வேலை தேடி வந்து வேலையில் அமர்ந்தவுடன் நானும் குறைந்த பட்சம் இரண்டு பேருக்காவது வேலை வாங்கி கொடுப்பேன் என்று நிய்யத் செய்து கொள்ள வேண்டும். இன்ஷா அல்லாஹ் எதிர்காலத்தில் மற்ற காயல் மன்றங்களும் இந்த வழி முறையை பின்பற்ற தகுந்த அழகிய முன்மாதிரி இது.

காயல்பட்டினம் கடற்கரையை சுத்தமாக வைக்க விழிப்புணர்வு ஏற்படுத்த வேண்டுமே தவிர அதற்காக உங்கள் பணத்தை விரயம் செய்யாதீர்கள். நமது நகராட்சி செய்ய வேண்டிய வேலை இது. "காயல்பட்டினம் கடற்கரை உபயோகிப்போர் சங்கம்" என்று நமதூரில் ஏற்படுத்தி இருக்கிறார்கள் தெரியுமா? . KAYALPATNAM BEACH USERS ASSOCIATION இந்த வேலைகளை செய்ய வேண்டும்.நீங்கள் கஷ்டப்பட்டு உழைக்கும் பணத்தை இதிலும் செலவழிப்பது வேஸ்ட்.என்பது எனது தாழ்மையான அபிப்பிராயம்.

நல்லதுதானே செய்கிறோம் என்பதற்காக அரசு செய்ய வேண்டிய வேலைகளை நாம் செய்ய ஆரம்பித்தால், நமது ஊர் மக்களுக்கு மருத்துவம் கல்விக்கு செய்ய வேண்டிய உதவிகள் தடை பட்டு விடும் மிகவும் விவேகமாக செயல்படுங்கள். ஒவ்வொரு உறுப்பினருக்கும் குடும்பம் செலவுகள், எதிர்கால கனவுகள் இருக்கும். அதற்கு இடைஞ்சலாக உங்கள் வசூல்கள் ஆகி விடக்கூடாது.

நான் இந்த காயல் நல மன்றங்களில் முக்கிய பொறுப்பு வகித்து உறுப்பினர்கள் உணர்வுகளை உற்று நோக்கியவன் என்பதால் இந்த கருத்துக்களை இங்கு பதிவு செய்கிறேன்.உங்கள் முயற்சிகளை அல்லாஹ் கபூல் செய்வானாக. வாழ்த்துக்கள்.