IP: 218.*.*.* Singapore

இந்த பிரச்சனையில், நிர்வாகம் எடுத்த நடவடிக்கை சரியா? தவறா? என்ற விவாதத்துக்கு வரவில்லை. ஏனென்றால், இதில் உள்ள உள்குத்து சமாச்சாரங்கள் தெரியாமல் விமர்சனம் பண்ணுவது முறையில்லை.

ஆசிரியர்கள் இடையே கோஷ்டி பூசல் எல்லா பள்ளி, கல்லூரிகளில் உள்ளது தான். பிரச்சனை பண்ணும் ஆசிரியர்களை இடைநீக்கம் செய்ய நிர்வாகத்திற்கு முழு உரிமை உண்டு. ஆனால் இங்கே பிரச்சனை, அந்த ஆசிரியர்கள் செய்தது, தவறாகவே இருந்தாலும், இடைநீக்கம் செய்யப்பட நேரம் தவறானது.

அரசு பொது தேர்வுக்கு இன்னும் சில நாட்களே உள்ளது. அனைத்து பாடங்களையும் அந்த ஆசிரியர்கள் முடித்து இருப்பார்கள். இந்த நேரத்தில், ஆசிரியர்கள் இல்லாமல் இருந்தாலோ அல்லது இப்போது நிர்வாகத்தால் உறுதி அளிக்கப்பட படி, வேறு ஆசிரியர்களை வைத்து தேர்வு வரைக்கும் CLARIFICATION செய்தாலோ பாதிக்கப்படுவது மாணவர்கள் தான். புதிய ஆசிரியரின் பாடம் சொல்லிக் கொடுக்கும் முறை மாறுபடலாம்.

நிர்வாகம் இந்த நடவடிக்கையை, 2 அல்லது 3 மாதங்களுக்கு முன்னரே செய்திருக்கலாம். அல்லது அரசு தேர்வு முடிந்த பின் செய்திருக்கலாம். நிர்வாகம், இந்த மாணவர்களின் நலன் கருதி (இஞ்சினீரிங்க் துறைக்கு முக்கியமான கணிதம் & இயற்பியல் ஆசிரியர்கள்) தங்களது நியாயமான அதிகாரத்தை தற்காலிகமாக ஒத்திவைத்து சுமூக நடவடிக்கை எடுப்பார்கள் என்று நம்புகிறேன்.

மாணவர்களே! இதை உங்கள் பிரச்சனையாக எடுக்காமல், படிப்பில் கவனம் செலுத்தி, பொது தேர்வில் அதிக கட்ஆப் மார்க் எடுத்து, நன்கொடை கொடுக்காமல் பொறியியல் சேர வாழ்த்தி துஆ செய்கிறேன்.

- சாளை அப்துல் ரஸ்ஸாக்.